រាជធានីភ្នំពេញ ៖ សម្តេចក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានធ្វើការជម្រុញដល់នាយប៉ុស្តិ៍នគរបាលរដ្ឋបាលទូរទាំងប្រទេសត្រូវយកចិត្តទុកដាក់បម្រើប្រជាពលរដ្ឋឲ្យបានខ្លាំងក្លាបន្ថែមទៀត ដោយមិនប្រកាន់និន្នាការគណបក្សនយោបាយ និងសាសនានោះឡើយ ។ សម្តេចក្រឡាហោម…
រាជធានីភ្នំពេញ ៖ សម្តេចក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានធ្វើការជម្រុញដល់នាយប៉ុស្តិ៍នគរបាលរដ្ឋបាលទូរទាំងប្រទេសត្រូវយកចិត្តទុកដាក់បម្រើប្រជាពលរដ្ឋឲ្យបានខ្លាំងក្លាបន្ថែមទៀត ដោយមិនប្រកាន់និន្នាការគណបក្សនយោបាយ និងសាសនានោះឡើយ ។
សម្តេចក្រឡាហោម ស ខេង បានថ្លែងបែបនេះក្នុងពិធីប្រគល់នឹងទទួលនូវម៉ូតូចំនួន១៦៤៦គ្រឿងដល់ប៉ុស្តិ៍នគរបាលរដ្ឋបាលទូទាំងប្រទេសជាលើកទី៤ នៅទីស្តីការក្រសួងមហាផ្ទៃនាព្រឹកថ្ងៃទី១៨ ខែកក្កដា ឆ្នាំ២០១៨នេះ ។ ថ្លែងក្នុងឱកាសប្រគល់នោះសម្តេចក្រឡាហោម ស ខេង ឧបនាយករដ្ឋមន្ត្រីបានមានប្រសាសន៍ថា ក្នុងនាមយើងជានគរបាលបម្រើប្រជាពលរដ្ឋត្រូវខិតខំបន្ថែមទៀត ការពារនូវសន្តិសុខជូនដល់ពួកគាត់ កុំគិតថា ពួកគាត់មកពីគណបក្សណាឬកាន់សាសនាណានោះឡើយ ហើយជាងនេះទៅទៀតត្រូវបំបាត់ឲ្យអស់នូវភាពខ្វះខាត់ទាំងឡាយដែលបានធ្វើឲ្យពួកគាត់មានការថ្នាំងថ្នាក់នាពេលកន្លងមក ។ សម្តេចបានថ្លែងថា«ប៉ុស្តិ៍នគរបាល គឺជាប្រតិបត្តិករយ៉ាងសំខាន់ក្នុងការបម្រើប្រជាពលរដ្ឋនៅតាមមូលដ្ឋានត្រូវតែថែរក្សាការពារនូវសន្តិសុខជូនគាត់ឲ្យបានទាន់ពេលវេលា និងកាន់តែមានប្រសិទ្ធភាពបន្ថែមទៀត» ។
ជាមួយគ្នានោះដែរសម្តេចក៏បានអំពាវនាវដល់គ្រប់បណ្តាប៉ុស្តិ៍ទាំងអស់ត្រូវជួយថែរក្សានូវម៉ូតូដែលថ្នាក់លើប្រគល់ជូននេះកុំយកទៅធ្វើអ្វីឲ្យខុសពីវិជ្ជាជីវៈរបស់ខ្លួនត្រូវប្រើប្រាស់ក្នុងក្របខណ្ឌបម្រើប្រជាពលរដ្ឋឲ្យបានល្អ ដើម្បីបញ្ជៀសការរិះគន់ដោយប្រការណាមួយជាដើម ។
សូមរំលឹកថានេះ គឺជាលើកទីបួនហើយ ដែលក្រសួងមហាផ្ទៃបានសម្រេចប្រគល់ម៉ូតូដល់គ្រប់ ប៉ុស្តិ៍នគរបាលរដ្ឋបាលទូទាំងប្រទេស ដើម្បីធ្វើយ៉ាងណាផ្តល់ភាពងាយស្រួលបន្ថែមទៀតដល់ពួកគេក្នុងការចុះបម្រើប្រជាពលរដ្ឋឲ្យបានទាន់ពេលវេលា ។
ក្រៅពីប្រគល់នូវតូចចក្រយានយន្តក្រសួងមហាផ្ទៃក៏បានសម្រេចប្រគល់នូវសាំងចំនួន១២០លីត្រ និងថវិកាចំនួន ១.២០០.០០០រៀលក្នុងមួយត្រីមាស សម្រាប់ប៉ុស្តិ៍នគរបាលរដ្ឋបាលនីមួយៗផងដែរ ៕
ចែករំលែកព័តមាននេះ