ប្រកាសបិទហើយ រូងភ្នំថាំហ្លួង
តាមប្រភពពី Bangkok Post បានឱ្យដឹងថា មនុស្សរាប់រយនាក់ បានមកប្រមូលផ្តុំគ្នានៅក្នុងពិធីសូត្រមន្ត នៅខាងមុខរូងភ្នំ Tham Luang ក្នុងស្រុក…
តាមប្រភពពី Bangkok Post បានឱ្យដឹងថា មនុស្សរាប់រយនាក់ បានមកប្រមូលផ្តុំគ្នានៅក្នុងពិធីសូត្រមន្ត នៅខាងមុខរូងភ្នំ Tham Luang ក្នុងស្រុក…
តាមប្រភពពី Bangkok Post បានឱ្យដឹងថា មនុស្សរាប់រយនាក់ បានមកប្រមូលផ្តុំគ្នានៅក្នុងពិធីសូត្រមន្ត នៅខាងមុខរូងភ្នំ Tham Luang ក្នុងស្រុក Mae Sai កាលពីថ្ងៃច័ន្ទ ក្រោយពីក្មេងៗកីឡាករទាំង១២នាក់ និងគ្រូបង្វឹកម្នាក់ ត្រូវបានយកចេញមកក្រៅ ដោយសុវត្ថិភាពកាលពីសប្តាហ៍មុន ។ ក្រោយពិធីសូត្រមន្តនេះ អាជ្ញាធរក៏បានប្រកាសបិទរូងភ្នំនេះមួយរយៈ សម្រាប់ការជួសជុលឡើងវិញ ។
ក្នុងចំណោមព្រះសង្ឃធំៗទាំង២៨អង្គ មានព្រះសង្ឃរាជ Kru Ba Sang La ប្រចាំនៅវត្ត Sai Muang ដែលស្ថិតជិតព្រំប្រទេសភូមា និងចៅហ្វាយខេត្ត Chiang Rai រង Phra Ratanamunee។អ្នកចូលរួមឯទៀតមានដូចជា ថ្នាក់ដឹកនាំក្រុមជួយសង្គ្រោះ Narongsak Osotthanakorn ដែលពេលនេះគឺជាថ្នាក់ដឹកនាំខេត្ត Phayao ថ្នាក់ដឹកនាំខេត្ត Chiang Rai លោក Prajon Pratsakul និង ប្រជាជនថៃនិងភូមាជាច្រើន។
ជាមួយគ្នានឹងការធ្វើពិធីសូត្រមន្ត ព្រះសង្ឃក៏បានធ្វើការនឹករលឹកដល់ទាហានជើងទឹក Saman Gunan ដែលបានស្លាប់បាត់បង់ជីវិត ពេលបំពេញការងារក្នុងរូងភ្នំ ។ ប្រជាជនបាននាំយកនូវផ្កា ផ្លែឈើ និងស្ករគ្រាប់ជាច្រើន មកដាក់នៅពីមុខរូងភ្នំ ដើម្បីធ្វើការបន់ស្រន់ដល់ដួងព្រលឹងទាំងឡាយ។
ខណៈពេលនេះ ក្មេងៗកំពុងស្នាក់នៅសម្រាកព្យាបាលនៅមន្ទីរពេទ្យ ហើយត្រៀមនឹងចេញទៅផ្ទះនៅថ្ងៃ
ព្រហស្បត្តិ៍នេះ។ អ្នកផ្តួចផ្តើមបង្កើតក្រុមបាល់ទាត់នេះឡើង លោក Nopparat Kantawong បានប្រាប់ថា មានមនុស្សជាច្រើនចាប់អារម្មណ៍ចង់ចូលជាមូលនិធិឧបត្ថម្ភដល់ក្រុមរបស់គាត់ ក្រោយមានរឿងបែបនេះកើតឡើង៕
ចែករំលែកព័តមាននេះ