ខេត្តកណ្តាល ៖ លោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាលនៅល្ងាចថ្ងៃទី១៦ កក្កដា ២០១៨ បានសម្រេចចេញដីកាឃុំខ្លួនជនដៃដល់ពេលផឹកស្រាស្រវឹងទាស់ពាក្យសម្តីគ្នាចាក់មួយដែកឆាបស្លាប់ម្នាក់ ដែលដាក់ពន្ធនាគារបណ្តោះអាសន្ន…
ខេត្តកណ្តាល ៖ លោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាលនៅល្ងាចថ្ងៃទី១៦ កក្កដា ២០១៨ បានសម្រេចចេញដីកាឃុំខ្លួនជនដៃដល់ពេលផឹកស្រាស្រវឹងទាស់ពាក្យសម្តីគ្នាចាក់មួយដែកឆាបស្លាប់ម្នាក់ ដែលដាក់ពន្ធនាគារបណ្តោះអាសន្ន ពីបទ«ឃាតកម្ម» ដែលប្រព្រឹត្តិនៅភូមិស្តៅ កន្លែងឃុំដីឥដ្ឋ ស្រុកកៀនស្វាយ ខេត្តកណ្តាល កាលពីថ្ងៃទី១៦ ខែកក្កដា ឆ្នាំ២០១៨ តាមមាត្រា ១៩៩ នៃក្រមព្រហ្មទណ្ឌ ។ បទល្មើសនេះកំណត់ផ្តន្ទាទោសពីដប់(១០)ឆ្នាំ ទៅដប់ប្រាំ(១៥) ឆ្នាំ ។
ជនត្រូវចោទមានឈ្មោះ អ៊ី វាសនា ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិឃុំកើតហេតុ មុខរបរមិនពិតប្រាកដ ។ ជនរងគ្រោះម្នាក់ឈ្មោះ ទុំ ប៊ុនធឿន ភេទប្រុស អាយុ៣៤ឆ្នាំ ជនជាតិខ្មែរ មានទីលំនៅភូមិឃុំកើតហេតុ មុខរបរកសិករ ។
សាក្សីបានឃើញហេតុការប្រាប់ឲ្យដឹងថា នៅថ្ងៃខែឆ្នាំវេលាម៉ោងកើតហេតុខាងលើជនសង្ស័យកំពុងអង្គុផឹកស្រាថ្នាំនៅក្បែរ ផ្ទះរបស់ឈ្មោះទូច ផល ភេទស្រី អាយុ៦០ឆ្នាំ មានទីលំនៅភូមិឃុំកើតហេតុមានគ្នាចំនួន០២នាក់ផ្សេងទៀត ដែលទី១-ឈ្មោះ ឃួន សុភ័ក្ត្រា ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិ ឃុំកើតហេតុ ២-ឈ្មោះ ម៉ៅ ហេឡូ ភេទប្រុស អាយុ៣៩ឆ្នាំ ជនជាតិខ្មែរ មុខរបរកសិករ មានទីលំនៅភូមិស្តៅ កន្លែងឃុំដីឥដ្ឋ ស្រុកកៀនស្វាយ ខេត្តកណ្តាល ។ ពេលកំពុងអង្គុយផឹកស្រានោះជនរងគ្រោះបានដើរមកដល់រួចឈរផឹកស្រាជាមួយជនសង្ស័យបានចំនួនមួយកែវ ពេលនោះជនសង្ស័យ នឹងជនរងគ្រោះក៏បានឈ្លោះប្រកែកគ្នា រួចក៏បានប្រតាយប្រតប់គ្នាដោយដៃទៅវិញទៅមក ពេលនោះឈ្មោះ ម៉ៅ ហេឡូ ភេទប្រុស បានចូលទៅឃាត់បំបែកចេញហើយជនសង្ស័យបានឡើងម៉ូតូជិះចេញបានចំងាយ១០ម៉ែត្រក៏ឈប់ម៉ូតូរួចស្ទុះចូលទៅម្តងទៀតយកវត្ថុរឹងមួយ(ដែកឆាប)ពីចង្កេះចាក់ទៅលើជនរងគ្រោះចំដងខ្លួនក្រោមក្លៀកខាងឆ្វេងរងរបួសធ្ងន់ ។
ក្រោយពីចាក់ជនរងគ្រោះរួច ជនសង្ស័យបានបោះចោលវត្ថុរឹង(ដែកឆាប)នៅក្បែរកន្លែងកើតហេតុ រួចឡើងជិះម៉ូតូគេចខ្លួនចេញពីកន្លែងកើតហេតុ ។ ចំណែកជនរងគ្រោះត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យបង្អែកស្រុក តែជនរងគ្រោះបានស្លាប់មុនពេលយកមកដល់មន្ទីរពេទ្យ ៕
ចែករំលែកព័តមាននេះ