រាជធានីភ្នំពេញ ៖ រថយន្តកុងតឺន័រ២គ្រឿងបើកជែងគ្នាជ្រុលទៅបុករ៉ឺម៉កម៉ូតូកង់បី បណ្តាលឲ្យក្រឡាប់រ៉ឺម៉កម៉ូតូកង់បីឡើងរមូររងការខូចខាតខ្ទេច និងបណ្តាលឲ្យអ្នកបើកបររ៉ឺម៉កម៉ូតូកង់បីរងរបួសយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង៩និង៤០នាទីយប់ថ្ងៃទី១៧ ខែកក្កដា ឆ្នាំ២០១៨ តាមបណ្ដោយផ្លូវជាតិលេខ៣ ភូមិអង្គតាគៀត…
រាជធានីភ្នំពេញ ៖ រថយន្តកុងតឺន័រ២គ្រឿងបើកជែងគ្នាជ្រុលទៅបុករ៉ឺម៉កម៉ូតូកង់បី បណ្តាលឲ្យក្រឡាប់រ៉ឺម៉កម៉ូតូកង់បីឡើងរមូររងការខូចខាតខ្ទេច និងបណ្តាលឲ្យអ្នកបើកបររ៉ឺម៉កម៉ូតូកង់បីរងរបួសយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង៩និង៤០នាទីយប់ថ្ងៃទី១៧ ខែកក្កដា ឆ្នាំ២០១៨ តាមបណ្ដោយផ្លូវជាតិលេខ៣ ភូមិអង្គតាគៀត សង្កាត់កំបូល ខណ្ឌពោធិ៍សែនជ័យ ។
ផ្អែកតាមអត្តសញ្ញាណប័ណ្ណដែលនៅជាប់នឹងខ្លួនជនរងគ្រោះមានឈ្មោះ វ៉ា ចន្ថា ភេទប្រុស អាយុ៤៦ឆ្នាំ មុខរបររត់រ៉ឺម៉កម៉ូតូកង់បី មានស្រុកកំណើតនៅភូមិកន្ទួតប្រោង ឃុំគោកព្រីង ស្រុកស្វាយជ្រំ ខេត្តស្វាយរៀង។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុ គេឃើញជនរងគ្រោះបើកបររ៉ឺម៉កម៉ូតូកង់បី ក្នុងទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុ ស្រាប់តែមានរថយន្តកុងតឺន័រចំនួន២គ្រឿងបានបើកជែងគ្នាជ្រុលទៅបុករ៉ឺម៉កម៉ូតូកង់បីខាងលើពេញទំហឹង បណ្តាលឲ្យរ៉ឺម៉កម៉ូតូកង់បីក្រឡាប់ឡើងរមូររងការខូចខាតខ្ទេច ចំណែកអ្នកបើកបររ៉ឺម៉កម៉ូតូកង់បីបានរងរបួសបាក់ដៃផ្នែកខាងស្តាំយ៉ាងធ្ងន់ធ្ងរ ។
ប្រភពព័ត៌មានបានបន្តទៀតថា ភ្លាមៗនោះជនរងគ្រោះខាងលើត្រូវបានរថយន្តគ្លីនិកឯកជនបានដឹកយកទៅសង្គ្រោះភ្លាមៗផងដែរ ចំណែកឯរថយន្តកុងតឺន័រទាំង២គ្រឿងបានបើកគេចខ្លួនបាត់ស្រមោល ។ នៅពេលនោះដែរ រ៉ឺម៉កម៉ូតូកង់បីដែលក្រឡាប់ឡើងរមូរងការខូចខាតខ្ទេចនៅកណ្តាលផ្លវបង្កឲ្យមានកកស្ទះចរាចរណ៍ ត្រូវបានប្រជាពលរដ្ឋជួយរុញអូសចេញពីកន្លែងកើតហេតុភ្លាមៗផងដែរ។
ក្រោយពេលកើតហេតុ ដោយសារជនរងគ្រោះរងរបួសធ្ងន់ធ្ងរពេកខាងគ្លីនិកឯកជនបានបញ្ជូនបន្តទៅព្យាបាលនៅមន្ទីរពេទ្យព្រះកុសុមៈ ចំណែករ៉ឺម៉កម៉ូតូកង់បីត្រូវបាននគរបាលប៉ុស្តិ៍កន្ទោកដឹក និងស្ទូចយកទៅរក្សាទុក រង់ចាំប្រគល់ជូនជនរងគ្រោះវិញ៕
ចែករំលែកព័តមាននេះ