រាជធានីភ្នំពេញ ៖ ជនជាតិចិនមួយក្រុមសុទ្ធតែស្រីមានគ្នា៥នាក់ កំពុងតែដើរទេសចរណ៍តាមផ្លូវ ស្រាប់តែមានក្រុមចោរ២នាក់ ជិះម៉ូតូហុងដាស្តុបពី ធ្វើសកម្មភាឆក់កាបូបបានសម្រេច ហេតុការណ៍នេះបានកើតឡើងកាលពីវេលាម៉ោង៥ល្ងាចថ្ងៃទី១៧ ខែកក្កដា ឆ្នាំ២០១៨ តាមបណ្តោយផ្លូវព្រះស៊ីសុវត្ថិ នៅចំណុចមុខសណ្ឋាគារហ៊ីម៉ារ៉ារី ស្ថិតនៅក្នុងសង្កាត់ចតុមុខ ខណ្ឌដូនពេញ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញជនជាតិចិនមួយក្រុមមានគ្នាទាំងអស់៥នាក់សុទ្ធតែស្រីៗកំពុងតែដើរចេញមកពីសណ្ឋាគារមួយកន្លែង តាមបណ្តោយផ្លូវព្រះស៊ីសុវត្ថិ ក្នុងទិសដៅពីជើងទៅត្បូង ខណៈពេលកំពុងតែដើរសុខៗក៏ស្រាប់តែមានជនសង្ស័យ២នាក់ ជាមុខសញ្ញាឆក់បានជិះម៉ូតូមួយគ្រឿងម៉ាកហុងដាស្តុបពី ពណ៌ក្រហម មិនចាំស្លាកលេខបានជិះទៅជិត ហើយធ្វើសកម្មភាពឆក់កាបូបស្ពាយពីជនរងគ្រោះបានសម្រេច ហើយរត់គេចខ្លួនបាត់ស្រមោល រួចជនជាតិចិនក៏បានស្រែកឲ្យគេជួយដែរប៉ុន្តែគ្មាននរណាគេជួយនោះឡើយ ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋចុតមុខដើម្បីឲ្យសមត្ថកិច្ចតាមស្រាវជ្រាវតាមចាប់ជនសង្ស័យមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ