កំពុងបង្ហាញម្ចាស់គណនីFb «យមរាជ លោកីយ៍»…
- ភ្នំពេញ
រាជធានីភ្នំពេញ ៖ ប្រភពពីមន្ត្រីកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានឱ្យដឹងថា នៅវេលាម៉ោង០៩ព្រឹកថ្ងៃទី១៨ កក្កដា នេះ…
រាជធានីភ្នំពេញ ៖ ប្រភពពីមន្ត្រីកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានឱ្យដឹងថា នៅវេលាម៉ោង០៩ព្រឹកថ្ងៃទី១៨ កក្កដា នេះ…
រាជធានីភ្នំពេញ ៖ ប្រភពពីមន្ត្រីកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានឱ្យដឹងថា នៅវេលាម៉ោង០៩ព្រឹកថ្ងៃទី១៨ កក្កដា នេះ នឹងធ្វើសន្និសីទសារព័ត៌មាន ដើម្បីបញ្ជាក់ឱ្យលម្អិត ជុំវិញការចាប់ខ្លួនម្ចាស់គណនី Facebook ឈ្មោះ «យមរាជ លោកីយ៍» ដែលបានបង្ហោះព័ត៌មានប៉ះពាល់ដល់កិត្តិយសកងរាជអាវុធហត្ ថ។
បើតាមលោកឧត្តមសេនីយ៍ត្រី អេង ហ៊ី បានប្រាប់អ្នកសារព័ត៌មានទៀតថា សន្និសីទសារព័ត៌មាននេះ នឹងត្រូវធ្វើឡើងនៅបញ្ជាការដ្ឋានកងរាជអាវុធហត្ថលើផ្ទៃប្រទេស ។ ជនសង្ស័យដែលជាម្ចាស់គណនីFacebook ឈ្មោះ «យមរាជ លោកីយ៍» មានឈ្មោះពិត សន សំនៀង ត្រូវបានកម្លាំងអាវុធហត្ថខេត្តកំពង់ធំ បញ្ជូនទៅសាលាដំបូងខេត្តកំពង់ធំហើយ ដើម្បីចាត់ការតាមនីតិវិធី កាលពីព្រឹកថ្ងៃទី១៧ កក្កដា នេះ ។
គួរបញ្ជាក់ថា ជនសង្ស័យ ឈ្មោះ សន សំនៀង នេះ ត្រូវបានឃាត់ខ្លួន កាលពីល្ងាចថ្ងៃទី១៥ កក្កដា ដោយកងរាជអាវុធហត្ថខេត្តកំពង់ធំ មានការដឹកនាំ និងសម្របសម្រួលដោយតំណាងអយ្យការអមសាលាដំបូង ខេត្តកំពង់ធំ។
ប្រភពបន្តថា កងរាជអាវុធហត្ថលើផ្ទៃប្រទេសបានចេញសេចក្ដីប្រកាសព័ត៌មានថា ការបង្ហោះព័ត៌មានតាមបណ្តាញសង្គម Facebook គណនីឈ្មោះ «យមរាជ លោកកីយ៍» និងការផ្សព្វផ្សាយតាមប្រព័ន្ធព័ត៌មាន មួយចំនួនតូច ដែលជាព័ត៌មានមិនពិតបានធ្វើឲ្យប៉ះពាល់ដល់កិត្តិយសរបស់កងរាជអាវុធហត្ថ។
ម្ចាស់គណនីឈ្មោះ «យមរាជ លោកកីយ៍» មានឈ្មោះ សន សំនៀង អតីតជានាយទាហានកងរាជអាវុធហត្ថខេត្តកំពង់ធំ ត្រូវលុបឈ្មោះចេញពីក្របខ័ណ្ឌ កងរាជអាវុធហត្ថ ដោយក្រុមប្រឹក្សាវិន័យកងរាជ អាវុធ ហត្ថ លើផ្ទៃប្រទេសតាំងពីឆ្នាំ២០១៧ ។
ការលុបឈ្មោះនេះ ដោយសារបុគ្គលឈ្មោះ សន សំនៀង បាន ប្រព្រឹត្តខុសឆ្គង ជាបន្តបន្ទាប់ ម្តងហើយម្តងទៀតដូចជា៖ បង្កគ្រោះថ្នាក់ចរាចរបណ្តាលឲ្យមនុស្ស ស្លាប់នៅនឹងកន្លែង, បាញ់បោះសេរី និងបានប្រើហិង្សាលើបងថ្លៃស្រីម្នាក់ បណ្តាលឲ្យសន្លប់។ នេះបើតាមសេចក្តីប្រកាសព័ត៌មានរបស់កងរាជអាវុធហត្ថលើផ្ទៃប្រទេស៕
ចែករំលែកព័តមាននេះ