រាជធានីភ្នំពេញ ៖ រថយន្តសណ្តោងធន់ធំដឹកគ្រឿងម៉ាស៊ីនស្ទូចខ្ពស់ពេកនៅលើរថយន្តបណ្តាលឲ្យទាក់ខ្សែភ្លើងដែលអូសកាត់ទទឹងផ្លូវដាច់ធ្លាក់ទៅទាក់បង្គោលភ្លើងបំភ្លឺផ្លូវមួយដើមបាក់រលំដល់ដី និងបង្កឲ្យបុរសម្នាក់ជិះម៉ូតូមកពីក្រោយទាក់រងរបួស ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលា១១និង២០នាទីយប់ ថ្ងៃទី១៦ ខែកក្កដា ឆ្នាំ២០១៨ ត្រង់ចំណុចខាងត្បូងផ្សារដីហុយប្រមាណ១០ម៉ែត្រ…
រាជធានីភ្នំពេញ ៖ រថយន្តសណ្តោងធន់ធំដឹកគ្រឿងម៉ាស៊ីនស្ទូចខ្ពស់ពេកនៅលើរថយន្តបណ្តាលឲ្យទាក់ខ្សែភ្លើងដែលអូសកាត់ទទឹងផ្លូវដាច់ធ្លាក់ទៅទាក់បង្គោលភ្លើងបំភ្លឺផ្លូវមួយដើមបាក់រលំដល់ដី និងបង្កឲ្យបុរសម្នាក់ជិះម៉ូតូមកពីក្រោយទាក់រងរបួស ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលា១១និង២០នាទីយប់ ថ្ងៃទី១៦ ខែកក្កដា ឆ្នាំ២០១៨ ត្រង់ចំណុចខាងត្បូងផ្សារដីហុយប្រមាណ១០ម៉ែត្រ តាមបណ្តោយផ្លូវហាណូយកែងនឹងផ្លូវដីថ្មី ស្ថិតក្នុងសង្កាត់គោកឃ្លាំង ខណ្ឌសែនសុខ ។
តាមប្រភព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បើកបររថយន្តមួយគ្រឿងម៉ាក ហ៊ីយ៉ាន់ដាយ ពណ៌ស ជាប្រភេទរថយន្តសណ្តោងដឹកគ្រឿងម៉ាស៊ីនស្ទូច ធ្វើដំណើរតាមបណ្តោយផ្លូវហាណូយ ក្នុងទិសដៅពីជើងទៅត្បូង ។
លុះមកដល់ចំណុចខាងលើរថយន្តដឹកខ្ពស់ពេកក៏បណ្តាលអោយទាក់នឹងខ្សែភ្លើងដែលអូសកាត់ទទឹងផ្លូវដាច់ធ្លាក់ទៅទាក់ និងបង្គោលភ្លើងបំភ្លឺផ្លូវដែលនៅសួនច្បារពុះមួយដើមដាច់បាក់ដួលដល់ដី ស្របពេលនោះក៏មានម៉ូតូមួយគ្រឿងទៀតម៉ាកសងប៊ិច ពណ៌ខ្មៅ ពាក់ស្លាកលេខ ភ្នំពេញ1BO-2460 ដែលបើកបរដោយបុរសម្នាក់មកពីក្រោយហើយក៏ទាក់.ក និងខ្សែភ្លើងបណ្តាលឲ្យដួលរងរបួសស្រាល ។
ភ្លាមៗនេះរថយន្តបង្កបានព្យាយាមបើករត់គេចទៅបានប្រមាណ១០០ម៉ែត្រក៏ត្រូវសមត្ថកិច្ចមូលដ្ឋានដែលកំពុងជិះល្បាតឃើញហើយក៏ធ្វើការស្ទាក់ឃាត់ភ្លាមៗតែម្តង ។ ក្រោយពេលកើតហេតុរថយន្តបង្កខាងលើត្រូវបានសមត្ថកិច្ចជំនាញនាំយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរងចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ