សហរដ្ឋអាមេរិក ៖ អាជ្ញាធរមូលដ្ឋានរាយការណ៍នាថ្ងៃទី១៦ ខែកក្កដា ឆ្នាំ២០១៨ ថា មនុស្ស២៣នាក់រងរបួស ក្នុងនោះម្នាក់របួសធ្ងន់ ដោយសារការជះកំអែភ្នំភ្លើង លើនាវាកម្សាន្តដែលពួកគេជិះមើលការហូរកំអែភ្នំភ្លើងនេះ…
សហរដ្ឋអាមេរិក ៖ អាជ្ញាធរមូលដ្ឋានរាយការណ៍នាថ្ងៃទី១៦ ខែកក្កដា ឆ្នាំ២០១៨ ថា មនុស្ស២៣នាក់រងរបួស ក្នុងនោះម្នាក់របួសធ្ងន់ ដោយសារការជះកំអែភ្នំភ្លើង លើនាវាកម្សាន្តដែលពួកគេជិះមើលការហូរកំអែភ្នំភ្លើងនេះ ដែលកំពុងផ្ទុះនៅកោះហាវ៉ៃ។
ក្នុងចំណោមអ្នកដំណើរជិះលើនាវានោះ ដែលចំនួនសរុបពុំត្រូវបានបញ្ជាក់ មនុស្ស១៣នាក់បញ្ជូនទៅមន្ទីរពេទ្យមូលដ្ឋាន ហើយ១០នាក់ទៀតគ្រាន់តែរងរបួសស្រាលទទួលការព្យាបាលនៅនឹងកន្លែង ពេលទៅដល់កំពង់ផែ WAILOA វិញ។
អ្នករបួស ៤នាក់បញ្ជូនទៅមជ្ឈមណ្ឌល វេជ្ជសាស្ត្រតាមរថយន្តសង្គ្រោះ ក្នុងនោះមាននារីម្នាក់អាយុប្រមាណជា២០ឆ្នាំ ដែលស្ថិតក្នុងស្ថានភាពធ្ងន់ធ្ងរ ក្រោយឧប្បត្តិហេតុដែលកើតមាននាវេលាព្រឹកព្រលឹម។ ពួកអ្នកជួយសង្គ្រោះនិយាយថា ការផ្ទុះបានជះកំអែភ្នំភ្លើងលើដំបូលនាវា ដែលធ្លុះហូរកំអែមកក្រោម តាមប្រហោងធំមួយហើយនាវារងការខូចខាត។
ការផ្ទុះភ្នំភ្លើង KILAUEA ជាភ្នំភ្លើងសកម្មមួយនៃពិភពលោក បានបំផ្លាញផ្ទះជាច្រើនរយខ្នងរួចហើយ ចាប់ពីខែឧសភាមក។ ភ្នំភ្លើងនេះជាភ្នំភ្លើងសកម្មមួយក្នុងចំណោមភ្នំភ្លើង៥នៅកោះហាវ៉ៃ៕
ចែករំលែកព័តមាននេះ