ខេត្តព្រះសីហនុ ៖ សមត្ថកិច្ចមូលដ្ឋានអោយដឹងបន្ថែមថា រហូតមកដល់ម៉ោងជាង២រសៀលថ្ងៃទី១៧ ខែកក្កដា ឆ្នាំ២០១៨ នេះស្ថានភាពភាពទឹកនៅស្ពានស្ទឹងសំរោងបានឡើងស្មើនឹងបង្កាន់ដៃស្ពានមើលផ្លូវលែងឃើញហើយក្នុងនោះកំពស់ទឹកលើផ្លូវជាតិលេខ៤ឡើងដល់ប្រហែលមួយម៉ែត្រកន្លះ និងកំពុងហូរកាត់តាមបណ្ដោយផ្លូវជាតិលេខ៤ ចម្ងាយជាងមួយគីឡូម៉ែត្រ ។…
ខេត្តព្រះសីហនុ ៖ សមត្ថកិច្ចមូលដ្ឋានអោយដឹងបន្ថែមថា រហូតមកដល់ម៉ោងជាង២រសៀលថ្ងៃទី១៧ ខែកក្កដា ឆ្នាំ២០១៨ នេះស្ថានភាពភាពទឹកនៅស្ពានស្ទឹងសំរោងបានឡើងស្មើនឹងបង្កាន់ដៃស្ពានមើលផ្លូវលែងឃើញហើយក្នុងនោះកំពស់ទឹកលើផ្លូវជាតិលេខ៤ឡើងដល់ប្រហែលមួយម៉ែត្រកន្លះ និងកំពុងហូរកាត់តាមបណ្ដោយផ្លូវជាតិលេខ៤ ចម្ងាយជាងមួយគីឡូម៉ែត្រ ។
មន្ត្រីដដែលថ្លែងបន្តថា ស្ថានភាពកំពស់ទឹកអាចឡើងបន្តទៀតនារសៀលនេះ បើផ្អែកលើធាតុអាកាសបច្ចុប្បន្ននៅមានភ្លៀងធ្លាក់បន្តបន្ទាប់ ។
សូមបញ្ជាក់ផងដែរថា បន្ទាប់ពីជំនន់ទឹកភ្លៀងបានជន់ហូរលិច លើស្ពានចំណុចអូគគីព្រំប្រទល់ខេត្តកំពង់ស្ពី និងស្រុកកំពង់សិលា ខេត្តព្រះសីហនុ គីឡូម៉ែត្រលេខ១០៦-១០៧ កាលពីវេលាម៉ោងជិត៦ព្រឹកនេះ ហើយដោយសារអាកាសធាតុនៅតែបន្តធ្លាក់ភ្លៀងមិនឈប់ឈរ ទីតាំងចាស់ដែលទើបស្រកបានប្រមាណ១ថ្ងៃគឺចំណុចស្ពានស្ទឹងសំរោង ស្ថិតក្នុងភូមិស្ទឹងឆាយ ឃុំអូបាក់រទេះ ទឹកត្រូវបានសម្រុកឡើងខ្លាំងហូរកាត់លើផ្លូវជាតិសាជាថ្មីរហូតសមត្ថកិច្ចផ្អាកមិនអោយរថយន្តឆ្លងកាត់ឡើយ ហើយចំណុចស្ពានស្ទឹងសំរោងនេះគឺជាចំណុចលិចជារាងរាល់ឆ្នាំដែលទទួលទឹកហូរចុះមកពីតំប់ភ្នំមក ។
បច្ចុប្បន្នសមត្ថកិច្ចកំពុងគ្រប់គ្រងសភាពការនៅទីនោះយ៉ាងយកចិត្តទុកដាក់ ស្របពេលដែលទឹកនៅស្ទឹងសំរោងកំពុងសម្រុកបុកឡើងខ្លាំង ៕
ចែករំលែកព័តមាននេះ