មានរឿងហេតុខ្លះៗ… មុនភ្លើងឆេះប្តី-ប្រពន្ធទាំងរស់នេះ
- កំពង់ធំ
ខេត្តកំពង់ធំ ៖ គ្រោះអកុសលមួយ បានកើតឡើងកាលពីវេលាមោ៉ង១០ និង៣០នាទីថ្ងៃទី១៤ កក្កដា នៅតំបន់អូរក្រពេី ក្នុងភូមិអូរគគីរ ឃុំបឹងល្វា ស្រុកសន្ទុក…
ខេត្តកំពង់ធំ ៖ គ្រោះអកុសលមួយ បានកើតឡើងកាលពីវេលាមោ៉ង១០ និង៣០នាទីថ្ងៃទី១៤ កក្កដា នៅតំបន់អូរក្រពេី ក្នុងភូមិអូរគគីរ ឃុំបឹងល្វា ស្រុកសន្ទុក បណ្តាលឱ្យមនុស្សពីរនាក់ប្តីប្រពន្ធស្លាប់ក្នុងអណ្តាតភ្លើងដែលឆេះផ្ទះយ៉ាងសន្ធោសន្ធៅក្នុងពេលរាត្រី ។
សមត្ថកិច្ចបានឱ្យដឹងថា សពជនរងគ្រោះជាប្តីឈ្មោះ ប៉ាង ហន ភេទប្រុស អាយុ៣១ឆ្នាំ ជាអ្នកធ្វេីចំការនិងប្រពន្ធឈ្មោះ ហ៊ន ធឿន អាយុ៣៨ឆ្នាំ ។ យោងតាមការបំភ្លឺពីសាក្សីឈ្មោះ ចាន់ ហ៊ន ភេទប្រុស អាយុ៨៧ឆ្នាំ ត្រូវជាឪពុកបង្កេីតស្ត្រីជាប្រពន្ធបាននិយាយថា មួយរយៈកន្លងមកនេះ កូនប្រសាប្រុសរបស់គាត់ចេះតែមានអាការប្លែកៗ ដូចជាឃេីញគេមករកព័ទ្ធចាប់ខ្លួន ចេះប្រចណ្ឌប្រពន្ធ និងអង្គុយក្នុងផ្ទះភ្លឹកតែម្នាក់ឯង ម្តងៗជាដើម ។
លោកតាបន្តថា ជនរងគ្រោះទាំងពីរនាក់ប្តីប្រពន្ធនេះជាអ្នកធ្វើចំការ និងបានទិញប្រេងសាំងទុកនៅលេីផ្ទះមួយប៊ីដុងចំណុះ៣០លីត្រទុកចាក់ម៉ាសីុនបាញ់ថ្នាំ និងចាក់ម៉ាសីុនកាត់ឈេីក្នុងចំការរបស់ខ្លួន ។ គាត់សង្ស័យថា ពួកគេមានការធ្វេសប្រហែស ទេីបធ្វើឱ្យមានភ្លើងឆាបឆេះផ្ទះដែលធ្វើអំពីឈើ ជញ្ជាំងក្តារ ដំបូលប្រក់សង្ក័សី ទំហំ៥ម៉ែត្រគុណ៦ម៉ែត្រ និងឆេះខ្លោចសល់តែគ្រោងឆ្អឹងទាំង២នាក់ប្តីប្រពន្ធ ។
មន្ត្រីជំនាញខេត្តនិងស្រុក ដែលដឹកនាំដោយលោកវរសេនីយ៍ទោ ប៉ោ គឹមថុង នាយរងការិយាល័យបច្ចេកទេសខេត្តបានចុះដល់ ដេីម្បីធ្វេីការពិនិត្យកន្លែងកេីតហេតុនិងសាកសព ។ លទ្ឋផលនៃការពិនិត្យនៅកន្លែងកេីតហេតុ ត្រូវបានភ្លេីងឆេះផ្ទះនិងសាកសពសុះអស់នៅសល់តែឆ្អឹងនិងគំនរផេះ ។ ការស្លាប់របស់ជនរងគ្រោះទាំងពីរនាក់នេះ ត្រូវបានសមត្ថកិច្ចសន្និដ្ឋានថា គឺដោយការធ្វេសប្រហែសទុកប្រេងសាំងនៅលេីផ្ទះបណ្តាលឱ្យឆេះស្លាប់ ពិតប្រាកដមែន មិនមានពាក់ព័ន្ធនិងអំពើឃាតកម្មអ្វីឡើយ ។
ទោះបីជាបែបណាក្តី ការបង្កឱ្យមានអគ្គិភ័យដោយរបៀបណានោះ មិនត្រូវបានមន្ត្រីជំនាញឱ្យដឹងនោះទេ តើកើតឡើងដោយរបៀបណា ?
តាមព័ត៌មានចុងក្រោយបានសង្ស័យថា ការឆេះស្លាប់នេះ អាចបណ្តាលមកពីរងើកភ្លើងចង្ក្រានដែលពន្លត់មិនអស់ ហើយប៉ើងប៉ះប៊ីដុងសាំង ក៏ឆេះរាលដាលពេញផ្ទះ ឆេះទាំងមនុស្សកំពុងដេក ប្រៀបដូចដុតខ្លួនក្នុងផ្ទះតែម្តង គ្មានអំពើឃាតកម្មណាមួយទេ ។
ប្រភពព័ត៌មានដាច់ដោយឡែកមួួយទៀតបានឱ្យដឹងថា ប្តីដែលឆេះស្លាប់ជាមួយប្រពន្ធនេះ គឺប្តីក្រោយ មិនមានកូនជាមួយគ្នាទេ តែស្ត្រីជាប្រពន្ធមានកូន៤នាក់ជាមួយប្តីមុន គឺប្រុស២ ស្រី២ ។ កូនប្រុសទាំង២បានបួសជាសាមណេរ ឯកូនស្រី២នាក់ ស្នាក់នៅជាមួយបងប្អូនមិនបាននៅក្នុងផ្ទះជាមួយទេ ៕
ចែករំលែកព័តមាននេះ