រាជធានីភ្នំពេញ ៖ បុរសម្នាក់ត្រូវបានក្រុមជនសង្ស័យមួយក្រុមកាប់ជិតដាច់កពេលបញ្ជូនទៅដល់មន្ទីរពេទ្យបានស្លាប់ សង្ស័យជាករណីកាប់ប្លន់យកម៉ូតូតែមិនបានសម្រេច ដោយសារម៉ូតូអស់សាំង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៧ ខែកក្កដា ឆ្នាំ២០១៨ ស្ថិតនៅផ្លូវ៣៦៩…
រាជធានីភ្នំពេញ ៖ បុរសម្នាក់ត្រូវបានក្រុមជនសង្ស័យមួយក្រុមកាប់ជិតដាច់កពេលបញ្ជូនទៅដល់មន្ទីរពេទ្យបានស្លាប់ សង្ស័យជាករណីកាប់ប្លន់យកម៉ូតូតែមិនបានសម្រេច ដោយសារម៉ូតូអស់សាំង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៧ ខែកក្កដា ឆ្នាំ២០១៨ ស្ថិតនៅផ្លូវ៣៦៩ ជិតហាងលក់កាហ្វេ បាយ មីឆា ក្នុងភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ ។
ជនរងគ្រោះដែលស្លាប់មិនទាន់ត្រូវបានគេស្គាល់អត្តសញ្ញាណនៅឡើយទេ ភេទប្រុស អាយុប្រមាណ២៥ឆ្នាំ ចំណែកម៉ូតូមួយគ្រឿងរបស់ជនរងគ្រោះ ម៉ាក MSX ពណ៌ទឹកក្រូច ពាក់ស្លាកលេខ ភ្នំពេញ ១GJ-៨២១៨។
ប្រភពព័ត៌មានពីប្រជាពលរដ្ឋរស់នៅកន្លែងកើតហេតុបានប្រាប់អោយដឹងថា មុនកើតហេតុ គេឃើញជនរងគ្រោះខាងលើបណ្តើរម៉ូតូទំនងជាអស់សាំង ខណៈពេលនោះស្រាប់តែមានជនសង្ស័យមួយក្រុម មិនដឹងថាមានគ្នាប៉ុន្មាននាក់នោះទេ បានធ្វើសកម្មភាពលបកាប់ជនរងគ្រោះមួយដាវពីក្រោយចំកញ្ចឹងកដាច់រយះពាក់កណ្តាល បណ្តាលឲ្យជនរងគ្រោះ និងម៉ូតូដួលនៅកណ្តាលផ្លូវ ហើយជនរងគ្រោះរត់បានប្រមាណ២០ម៉ែត្រទៅដល់មុខផ្ទះប្រជាពលរដ្ឋក្បែរកន្លែងកើតហេតុបានស្រែកឲ្យជួយផង ហើយបានប្រកាច់ក្នុងថ្លុក
ឈាមសន្លប់ស្តូកស្តឹង ភ្លាមៗនោះប្រជាពលរដ្ឋបានបើកភ្លើងឃើញបានផ្អើលរត់ចេញមកក្រៅ ទើបក្រុមជនសង្ស័យនាំគ្នារត់បាត់ស្រមោល ។
បន្ទាប់ពីកើតហេតុ ប្រជាពលរដ្ឋបានទូរស័ព្ទហៅរថយន្តសង្គ្រោះគ្លីនីកឯកជនមកដឹកយកទៅព្យាបាលដែរ តែជនរងគ្រោះរបួសធ្ងន់ពេកបានបញ្ជូនទៅព្យាបាលនៅមន្ទីរពេទ្យកាល់ម៉ែត ជាអកុសលជនរងគ្រោះបានស្លាប់ពេលបញ្ជូនទៅដល់មន្ទីរពេទ្យ ។
តាមការអះអាងពីប្រជាពលរដ្ឋរស់នៅក្បែរកន្លែងកើតហេតុបានសង្ស័យថាជាករណីកាប់ប្លន់យកម៉ូតូមិនបានសម្រេច ព្រោះម៉ូតូអស់សាំងទើបជនសង្ស័យមិនអាចយកទៅបាន ។ ដោយឡែកជនរងគ្រោះមិនមែនជាអ្នកភូមិនៅកន្លែងកើតហេតុនោះទេ ។ បច្ចុប្បន្ន សពជនរងគ្រោះត្រូវបានសមត្ថកិច្ចយកទៅតម្កល់ទុកនៅវត្តព្រែកថ្មី រង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ