រាជធានីភ្នំពេញ ៖ ស្ត្រីម្នាក់ត្រូវជនសង្ស័យ២នាក់ធ្វើសកម្មភាពឆក់កាបូបបានសម្រេច ហើយគេចខ្លួនបាត់ស្រមោលដោយសុវត្ថិភាព។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង០៣ និង៣០នាទីរសៀល ថ្ងៃទី១៦ ខែកក្កដា ឆ្នាំ២០១៨ នៅចំណុចមុខហាង មីហិរ នៅតាមផ្លូវ២០០៤ ភូមិស្លែងរលើង សង្កាត់អូរបែកក្អម ខណ្ឌសែនសុខ។
ស្ត្រីម្ចាស់កាបូបពុំបានប្រាប់ពី អត្តសញ្ញាណនោះទេ គ្រាន់តែប្រាប់ថា ស្នាក់នៅសង្កាត់ចោមចៅ០៣ ខណ្ឌពោធិសែនជ័យ បាន ជិះម៉ូតូមួយគ្រឿង ម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ 1H-7735 មួយគ្រឿង។ ជនសង្ស័យមានគ្នា២នាក់ជិះម៉ូតូ ម៉ាកសេ១២៥ ពណ៌ខ្មៅ មិនចាំស្លាកលេខ។ បន្ទាប់ពីឆក់បានសម្រេចជិះគេចខ្លួនបាត់។
តាមព័ត៌មានបានឲ្យដឹងថា មុនពេលកើតហេតុស្ត្រីរូបនោះបានជិះម៉ូតូមូយគ្រឿងពីកើតទៅលិចដោយស្ពាយកូនកាបូបតូចនៅពីមុខ ហើយត្រូវជន២នាក់ជិះស្របគ្នាមកអែបឆក់យកបានហើយគេចខ្លួនបាត់។ បន្ទាប់មកត្រូវចោរឆក់ម្ចាស់ ក៏បានទៅដាក់ពាក្យបណ្តឹង។ នៅក្នុងកាបូបរួម មានទូរស័ព្ទដៃស៊េរីទំនើបមួយគ្រឿង, កាតការងារ អត្តសញ្ញាណប័ណ្ណសញ្ជាតិខ្មែរ គំរូថ្មីមួយសន្លឹក និងឯកសារមួយចំនួនទៀត៕
ចែករំលែកព័តមាននេះ