ខេត្តបន្ទាយមានជ័យ ៖ អាជ្ញាធរថៃបានចាប់ពលករខ្មែរខុសច្បាប់បញ្ជូនមក១ថ្ងៃ ប្រមាណ៥០ទៅ១០០នាក់ ទោះជារាជរដ្ឋាភិបាលថៃរឹតបណ្តឹងច្បាប់ការងារដែលលើកឡើងកិច្ចប្រជុំក្រុមប្រឹក្សាខេត្ត នៅថ្ងៃទី១៦ ខែកក្កដា ឆ្នាំ២០១៨ នៅសាលាប្រជុំសាលាខេត្តបន្ទាយមានជ័យ ។…
ខេត្តបន្ទាយមានជ័យ ៖ អាជ្ញាធរថៃបានចាប់ពលករខ្មែរខុសច្បាប់បញ្ជូនមក១ថ្ងៃ ប្រមាណ៥០ទៅ១០០នាក់ ទោះជារាជរដ្ឋាភិបាលថៃរឹតបណ្តឹងច្បាប់ការងារដែលលើកឡើងកិច្ចប្រជុំក្រុមប្រឹក្សាខេត្ត នៅថ្ងៃទី១៦ ខែកក្កដា ឆ្នាំ២០១៨ នៅសាលាប្រជុំសាលាខេត្តបន្ទាយមានជ័យ ។
លោក សួន បវរ អភិបាលខេត្តបន្ទាយមានជ័យបានមានប្រសាសន៍ថា ដោយមានលិខិតពីក្រសួងមហាផ្ទៃជូនដំណឹងរដ្ឋបាលសាលាខេត្តបន្ទាយមានជ័យ គឺរដ្ឋាភិបាលថៃបានរឹតបណ្តឹងច្បាប់ការងារនៅប្រទេសថៃ និងចាប់ពលករដែលធ្វើការគ្មានច្បាប់ និងចាប់បញ្ជូនជាក់ស្តែងរយៈពេល២ទៅ៣ថ្ងៃ នេះភាគីថៃបានចាប់បញ្ជូនពលករខ្មែរខុសច្បាប់១ថ្ងៃ មានប្រមាណ៥០ទៅ១០០នាក់ដូចធម្មតា ។
លោកបានបញ្ជាក់ថា មូលហេតុដែលភាគីថៃចាប់បញ្ជូនពលករខ្មែរខុសច្បាប់តាមច្រកទ្វារអន្តរជាតិប៉ោយប៉ែតខេត្តបន្ទាយមានជ័យដូចធម្មតា គឺមន្ត្រីច្រកចេញចូលតែមួយរដ្ឋបាលសាលាខេត្តបន្ទាយមានជ័យបានទទួលធ្វើប័ណ្ណព្រំដែនជូនប្រជាពលរដ្ឋបានចំនួន១៧.៥០០នាក់ និងផ្តល់ជូនបានចំនួន១៥.០០០ប័ណ្ណ ។
ដោយយោងតាមរបាយការណ៍ប្រចាំខែមិថុនា ឆ្នាំ២០១៨ ការងារប្រឆាំងការជួញដូរមនុស្ស និងអាជីវកម្មផ្លូវភេទគ្រប់គ្រងអន្តោប្រវេសន៍ពលករខ្មែរដែលត្រូវភាគីថៃចាប់បញ្ចូនមកតាមច្រកទ្វារអន្តរជាតិប៉ោយប៉ែតមានចំនួន១.៨៩៣នាក់ ស្រី៦១៧នាក់ និងកុមារ១៧៣នាក់ ៕
ចែករំលែកព័តមាននេះ