រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងចម្រុះ កាលពីវេលាម៉ោង០១ និង២០នាទីរសៀលថ្ងៃទី១៣ កក្កដា បានសហការគ្នាចុះបង្ក្រាបករណីជួយដូរមួយ ដោយឃាត់ខ្លួនជនសង្ស័យប្រុស-ស្រី២នាក់ រួមទាំងវត្ថុតាងថ្នាំញៀនដ៏សន្ធឹកសន្ធាប់…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងចម្រុះ កាលពីវេលាម៉ោង០១ និង២០នាទីរសៀលថ្ងៃទី១៣ កក្កដា បានសហការគ្នាចុះបង្ក្រាបករណីជួយដូរមួយ ដោយឃាត់ខ្លួនជនសង្ស័យប្រុស-ស្រី២នាក់ រួមទាំងវត្ថុតាងថ្នាំញៀនដ៏សន្ធឹកសន្ធាប់ ស្ថិតនៅចំណុចក្នុងផ្ទះជួលលេខ១៣អា ផ្លូវ៦១៤ សង្កាត់បឹងកក់២ ខណ្ឌទួលគោក ។
សេចក្តីរាយការណ៍បន្តថា ជនសង្ស័យទាំង២នាក់ ម្នាក់ឈ្មោះផន ពិសី ភេទស្រី អាយុ២២ឆ្នាំ សារធាតុញៀនដែលចាប់យកជាប្រភេទមេតំហ្វេតាមីន(ICE) ទម្ងន់1029.79ក្រាម និងថ្នាំគ្រាប់មេតំហ្វេតាមីន (WY) 109.05g រួម និងជញ្ជីងថ្លឹង២គ្រឿង ។ លោកឡឹក វណ្ណៈ បន្តថា ក្រោយពីឃាត់ខ្លួនជនសង្ស័យម្នាក់ខាងលើនេះ សមត្ថកិច្ចក៏បានធ្វើការស្រាវជ្រាវរហូតឈានដល់ការចាប់ខ្លួនជនសង្ស័យម្នាក់ទៀត នៅថ្ងៃទី១៥ កក្កដា ម៉ោង០៥ និង៣០នាទីល្ងាច មានឈ្មោះ វិន ចន្ធី ភេទប្រុស អាយុ២៤ឆ្នាំ និងដកយកវត្ថុតាង ថ្នាំមេតំហ្វេតាមីន (ice) 999.66ក្រាម ផងដែរ ។
សមត្តកិច្ចបញ្ជាក់ថា សរុបលទ្ធផលជារួម ឃាត់ខ្លួនជនសង្ស័យ២នាក់ប្រុសម្នាក់ និងស្រីតម្នាក់ ចាប់យកវត្ថុតាងថ្នាំញៀន ប្រភេទមេតំហ្វេតាមីន 2138.5ក្រាម (ស្មើជាង២គីឡូក្រាម) ក្នុងនោះ ICE 2029.45g និង WY 109.05g ។
ចែករំលែកព័តមាននេះ