ប្រទេសប៉ាគីស្ថាន ៖ បណ្ដាអ្នកទទួលខុសត្រូវប៉ាគីស្ថាន បានរាយការណ៍នាថ្ងៃទី១៥ ខែកក្កដា ថា តុល្យការថ្មីនៃការវាយប្រហារភេរវកម្ម កាលពីយប់ថ្ងៃទី១៣ កក្កដា ប្រឆាំងអង្គមីទ្ទីងឃោសនាបោះឆ្នោតមួយ ក្នុងភាគនិរតីប៉ាគីស្ថាន ចំនួនអ្នកស្លាប់ឡើងដល់១៤៩នាក់។
ការវាយប្រហារអត្តឃាតនេះដែលកើតមាននៅខេត្តបាលូតជីស្ថាន ហើយប្រកាសទទួលខុសត្រូវដោយក្រុមរដ្ឋអ៊ិស្លាម ជាការវាយប្រហារទី៣ សំដៅកិច្ចប្រជុំឃោសនាបោះឆ្នោតកាលពីសប្ដាហ៍មុននៅប៉ាគីស្ថាន ដែលប្រកាសទិវាកាន់ទុក្ខមួយនាថ្ងៃទី១៥កក្កដា។ មនុស្សសរុប១៧៥នាក់ស្លាប់ក្នុងអំពើហិង្សទាំងនោះ ក្នុងរយៈពេលតែ៤ថ្ងៃ។ ក្នុងចំណោមអ្នកស្លាប់មានបេក្ខជន២រូបសម្រាប់ការបោះឆ្នោតសភានាថ្ងៃទី២៥ កក្កដាខាងមុខនេះ។
តុល្យការលើកមុននៃការវាយប្រហារថ្ងៃទី១៣ កក្កដា រៀបរាប់ពីអ្នកស្លាប់១៣០នាក់ ក្នុងនោះមានអ្នកនយោបាយម្នាក់ លោក SIRAH RAISANI ។ ក្នុងចំណោមអ្នកស្លាប់ក៏មានកុមារ៩នាក់ មានអាយុពី៦ទៅ១១ឆ្នាំ ចំណែកមនុស្ស៧០នាក់ទៀតរងរបួស៕
ចែករំលែកព័តមាននេះ