ខេត្តសៀមរាប ៖ ករណីគ្រោះថ្នាក់ចរាចរណ៍រវាងរថយន្តសាំយ៉ុងបានវ៉ារថយន្តផ្សេងទៀតប៉ុន្តែមិនផុត ជ្រុលទៅបុករថយន្តម៉ាកហ៊ីយ៉ាន់ដាយ ពណ៌ស ពេលនោះរថយន្តហ៊ីយ៉ាន់ដាយ ជ្រុលទៅបុកផ្ទះប្រជាពលរដ្ឋ ដែលជាប់នឹងផ្លូវកៀនបង្គោលភ្លើង បណ្តាលឱ្យស្លាប់ម្នាក់ និងរបួសធ្ងន់២នាក់…
ខេត្តសៀមរាប ៖ ករណីគ្រោះថ្នាក់ចរាចរណ៍រវាងរថយន្តសាំយ៉ុងបានវ៉ារថយន្តផ្សេងទៀតប៉ុន្តែមិនផុត ជ្រុលទៅបុករថយន្តម៉ាកហ៊ីយ៉ាន់ដាយ ពណ៌ស ពេលនោះរថយន្តហ៊ីយ៉ាន់ដាយ ជ្រុលទៅបុកផ្ទះប្រជាពលរដ្ឋ ដែលជាប់នឹងផ្លូវកៀនបង្គោលភ្លើង បណ្តាលឱ្យស្លាប់ម្នាក់ និងរបួសធ្ងន់២នាក់ នៅស្រុកសូទ្រនិគម បានបង្កឱ្យមានការកកស្ទះចរាចរណ៍មួយសន្ទុះទាំងព្រលឹមអុល ។ ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៤និង២០នាទីទៀបភ្លឺថ្ងៃទី១៦ ខែកក្កដា ឆ្នាំ២០១៨ ស្ថិតនៅលើផ្លូវជាតិលេខ៦ ត្រង់ចំណុច ភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប។
តាមប្រភពព័ត៌មានបានឱ្យដឹងថា រថយន្តទាំង២គ្រឿងខាងលើ រួមមានរថយន្តមួយគ្រឿងម៉ាកសាំយ៉ុង ពណ៌សំបកឪឡឹក ពាក់ស្លាកលេខ ២AN-០៣៣៨ បើកបរដោយឈ្មោះ ញ៉ែម សុខា ភេទប្រុស អាយុ៣៤ឆ្នាំ នៅភូមិគក ឃុំអង្គរទ្រេត ស្រុកស្វាយអន្ទរ ខេត្តព្រៃវែង បានស្លាប់ និងអ្នករួមដំណើរឈ្មោះ និន សុភាក់ ភេទប្រុស អាយុ៣២ឆ្នាំ រស់នៅក្នុងភូមិឃុំជាមួយគ្នា បានរងរបួសធ្ងន់ ។ ចំណែករថយន្តមួយគ្រឿងទៀតម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ ៣A-៤៨១១ បើកបរដោយឈ្មោះ សុខ ដារី ភេទប្រុស អាយុ៣០ឆ្នាំ រស់នៅភូមិវាលកណ្ដាង ឃុំជប់ ស្រុកត្បូងឃ្មុំ ខេត្តត្បូងឃ្មុំ មិនមានរងរបួសនោះទេ និងអ្នករួមដំណើរម្នាក់ឈ្មោះ ឡុត ប៊ុននី ភេទប្រុស អាយុ២៨ឆ្នាំ នៅភូមិស្លាបក្ដោង ឃុំជប់ ស្រុកត្បូងឃ្មុំ ខេត្តត្បូងឃ្មុំ បានរងរបួសធ្ងន់។ តាមប្រភពបានបញ្ជាក់បន្ថែមថា ក្នុងករណីគ្រោះថ្នាក់ចរាចរណ៍ខាងលើនោះ បណ្តាលឱ្យរងការខូចខាតរថយន្តទាំងសងខាង។
តាមប្រភពពីនគរបាលមូលដ្ឋានស្រុកសូទ្រនិគម បានប្រាប់ឱ្យដឹងថា ករណីគ្រោះថ្នាក់ ចរាចរណ៍មួយបានកើតឡើងនៅលើផ្លូវជាតិលេខ៦ ដែលបង្កឡើងដោយរថយន្តមួយគ្រឿងម៉ាកសាំយ៉ុង ពណ៌ស្លែ ពាក់ស្លាកលេខ ២AN-០៣៣៨ (ជិះគ្នា២នាក់) បើកបរក្នុងទិសដៅពីកើតទៅលិច លុះមកដល់កន្លែងកើេតហេតុបម្រុងវ៉ារថយន្តផ្សេងទៀត ប៉ុន្តែអកុសលវ៉ាមិនផុត ក៏ជ្រុលទៅបុករថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ ៣A-៤៨១១ (ជិះគ្នា២នាក់) បើកបរក្នុងទិសដៅពីលិចទៅកើតបញ្ច្រាសទិសគ្នា ពេលនោះរថយន្តម៉ាកហ៊ីយ៉ាន់ដាយ ពណ៌ស បានជ្រុលទៅបុកផ្ទះប្រជាពលរដ្ឋដែលជាប់នឹងផ្លូវ កៀនបង្គោលភ្លើង បណ្តាលឱ្យអ្នកបើកបររថយន្តសាំយ៉ុងស្លាប់ និងអ្នករួមដំណើរម្នាក់រងរបួសធ្ងន់ ចំណែកខាងរថយន្តហ៊ីយ៉ាន់ដាយ បណ្តាលឱ្យអ្នករួមដំណើរម្នាក់រងរបួសធ្ងន់ ។ រីឯរថយន្តទាំង២គ្រឿងបានរងការខូចខាតទាំងសងខាង ។
បច្ចុប្បន្ន សពជនរងគ្រោះត្រូវបានកម្លាំងជំនាញប្រគល់ឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ។ រីឯអ្នករងរបួសទាំងសងខាងត្រូវបានសមត្ថកិច្ចបញ្ជូនទៅសង្គ្រោះនៅគ្លីនិកឯកជន។ ចំណែករថយន្តទាំងសងខាងត្រូវបានសមត្ថកិច្ចស្ទូចយកទៅទុកនៅអធិការស្រុកសូទ្រនិគម ដើម្បីចាត់ការទៅតាមផ្លូវច្បាប់៕
ចែករំលែកព័តមាននេះ