ខេត្តព្រៃវែង ៖ ប្តីប្រពន្ធមួយគូរដែលជាប់ពាក់ព័ន្ធក្នុងករណីជួញដូរថ្នាំញៀនត្រូវបានកម្លាំងកងរាជអាវុធហត្ថខេត្តសហការនឹងកម្លាំងអាវុធហត្ថស្រុក ដាក់អន្ទាក់ចាប់បាន រួមជាមួយវត្ថុតាងមួយចំនួន ប្រតិបត្តិការនេះធ្វើឡើងកាលពីម៉ោង៥និង១៥នាទីល្ងាច ថ្ងៃទី១៥ ខែកក្កដា ឆ្នាំ២០១៨ ស្ថិតក្នុងភូមិអង្គក្អោត…
ខេត្តព្រៃវែង ៖ ប្តីប្រពន្ធមួយគូរដែលជាប់ពាក់ព័ន្ធក្នុងករណីជួញដូរថ្នាំញៀនត្រូវបានកម្លាំងកងរាជអាវុធហត្ថខេត្តសហការនឹងកម្លាំងអាវុធហត្ថស្រុក ដាក់អន្ទាក់ចាប់បាន រួមជាមួយវត្ថុតាងមួយចំនួន ប្រតិបត្តិការនេះធ្វើឡើងកាលពីម៉ោង៥និង១៥នាទីល្ងាច ថ្ងៃទី១៥ ខែកក្កដា ឆ្នាំ២០១៨ ស្ថិតក្នុងភូមិអង្គក្អោត ឃុំព្រៃទទឹង ស្រុកមេសាង ខេត្តព្រៃវែង ។
ជនសង្ស័យទាំង២នាក់នេះ បុរសជាប្តីឈ្មោះ ជ័យ ឆេងម៉ុង អាយុ៣៤ឆ្នាំ មុខរបរមិនពិតប្រាកដ ចំណែកស្ត្រីជាប្រពន្ធឈ្មោះ ហួត ខ្ចី អាយុ២៧ឆ្នាំ អ្នកទាំង២មានទីលំនៅក្នុងភូមិ-ឃុំខាងលើ រីឯវត្ថុតាងដែលដកហូតបានពីក្នុងខ្លួនជនសង្ស័យទាំង២នាក់នេះរួមមាន ម្សៅក្រាមពណ៌ស ចំនួន២៨កញ្ចប់តូច ស្មើនឹងទម្ងន់៣,៤៣ក្រាម ទាំងសំបកថង់ ទូរស័ព្ទដៃ៣គ្រឿង ដែកកេះ៣ និងថង់សម្រាប់ចែកចាយថ្នាំញៀនមួយចំនួន។
លោកវរសេនីយត្រី ផាត់ សុជោត ប្រធានមន្ទីរយុត្តិធម៌កងរាជអាវុធហត្ថខេត្ត បានឱ្យដឹងថា មុននឹងឈានទៅដល់ការឃាត់ខ្លួនជនសង្ស័យទាំង២នាក់នេះ លោកបានរាយបណ្តាញតាមដានជាយូរមកហើយ ពេលដឹងថា ប្តីប្រពន្ធនេះជាអ្នកជួញដូរថ្នាំញៀននៅក្នុងមូលដ្ឋាន លោកក៏ប្រើប្រាស់វិធានការណ៍ញុះញង់បោកឱ្យជននេះយកថ្នាំជាវត្ថុតាងចេញមក ហើយក៏ចូលទៅក្រសោបចាប់តែម្តង។
បច្ចុប្បន្នជនសង្ស័យទាំង២នាក់ប្តីប្រពន្ធ រួមទាំងវត្ថុតាងកំពុងឃាត់ខ្លួននៅបញ្ជាការកងរាជអាវុធហត្ថខេត្ត ដើម្បីកសាងសំណុំរឿងចាត់ការតាមនិតិវិធី៕
ចែករំលែកព័តមាននេះ