រាជធានីភ្នំពេញ ៖ យុវជន២នាក់ផឹកស្រាស្រវឹងបែកគំនិតចង់ប្រើប្រាស់គ្រឿងញៀនបាននាំគ្នាជិះម៉ូតូទៅទិញនៅផ្លូវ៦០ម៉ែត្រត្រូវបានកម្លាំងសមត្ថកិច្ចនគរបាលខណ្ឌមានជ័យធ្វើការដេញបង្ក្រាបបានភ្លាមៗ រួមទាំងវត្ថុតាងម្សៅក្រាមសថ្លាប្រភេទម៉ាទឹកកចំនួន៤កញ្ចប់តូច ។ ហេតុការណ៍នេះបានកើតឡើងកាលពីវេលាម៉ោង៨នឹង៣០នាទីយប់ ថ្ងៃទី១៥ ខែកក្កដា នៅនៅផ្លូវ២៧១ ទល់មុខស្ថានីយ៍បូមទឹកស្អុយបឹងត្របែក…
រាជធានីភ្នំពេញ ៖ យុវជន២នាក់ផឹកស្រាស្រវឹងបែកគំនិតចង់ប្រើប្រាស់គ្រឿងញៀនបាននាំគ្នាជិះម៉ូតូទៅទិញនៅផ្លូវ៦០ម៉ែត្រត្រូវបានកម្លាំងសមត្ថកិច្ចនគរបាលខណ្ឌមានជ័យធ្វើការដេញបង្ក្រាបបានភ្លាមៗ រួមទាំងវត្ថុតាងម្សៅក្រាមសថ្លាប្រភេទម៉ាទឹកកចំនួន៤កញ្ចប់តូច ។ ហេតុការណ៍នេះបានកើតឡើងកាលពីវេលាម៉ោង៨នឹង៣០នាទីយប់ ថ្ងៃទី១៥ ខែកក្កដា នៅនៅផ្លូវ២៧១ ទល់មុខស្ថានីយ៍បូមទឹកស្អុយបឹងត្របែក សង្កាត់បឹងទំពុន ខណ្ឌមានជ័យ ។
ជនសង្ស័យទី១មានឈ្មោះ ម៉ន ម៉ុន ភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅសង្កាត់វាលស្បូវ ខណ្ឌច្បារអំពៅ មានស្រុកកំណើតនៅស្រុកព្រះស្តេច ខេត្តព្រៃវែង និងជនសង្ស័យទី២ឈ្មោះ យ៉ាវ ភេទប្រុស អាយុ៣០ឆ្នាំ មុខរបរកម្មករសំណង់ដូចគ្នា ស្នាក់នៅនឹងធ្វើការកន្លែងជាមួយគ្នា ។
ប្រភពពីជនសង្ស័យមានឈ្មោះ ម៉ន ម៉ុន បានប្រាប់អោយដឹងថា មុនកើតហេតុរូបគាត់បានហូបស្រាបៀរជាមួយគ្នាអស់កន្លះកេះគ្នា២នាក់ពេលស្រវឹងក៏នឹកឃើញចង់ប្រើប្រាស់គ្រឿងញៀនបាននាំគ្នាជិះម៉ូតូមួយគ្រឿងម៉ាក Spacy ពណ៌សលាយខ្មៅ ពាក់ស្លាកលេខ ភ្នំពេញ 1CO- 7339 ដោយបុរសឈ្មោះ យ៉ាវ ជាអ្នកឌុបទៅទិញថ្នាំញៀនប្រភេទម៉ាទឹកកកនៅផ្លូវ៦០ម៉ែត្រចំនួន៤កញ្ចប់តូចក្នុងតម្លៃ៦ម៉ឺនរៀលពីបុរសម្នាក់មិនស្គាល់អត្តសញ្ញាណ ដោយបុរសឈ្មោះ យ៉ាវ ជាអ្នកចេញលុយ និងជាអ្នករក្សាទុកថ្នាំនៅនឹងខ្លួន ។
ពេលបានថ្នាំហើយក៏នាំគ្នាជិះចេញមកដល់ផ្លូវ២៧១ច្រមុះជ្រូកក្បាលថ្នល់កែងនឹងផ្លូវ៦០ម៉ែត្រក៏ត្រូវបានកម្លាំងសមត្ថកិច្ចខណ្ឌមានជ័យមានការសង្ស័យបានដេញឃាត់ដើម្បីសួរនាំក៏ត្រូវបុរសទាំង២នាក់ជិះរត់គេចទៅដល់មុខស្ថាននីយ៏បូមទឹកស្អុយបឹងត្របែកផ្លូវ២៧១ សង្កាត់ផ្សារដើមថ្កូវ ខណ្ឌចំការមន ក៏ត្រូវឃាត់ខ្លួនបាន និងឆែកឆេររកឃើញមានថ្នាំញៀនប្រភេទម៉ាទឹកកកចំនួនបួនកញ្ចប់តូចក៏ធ្វើការឃាត់ខ្លួនយកទៅសួរនាំបន្តប៉ុស្តិ៍នគរបាលសង្កាត់ចាក់អង្រែលើតែម្តង ។
ក្រោយឃាត់ខ្លួននៅមុខសមត្ថកិច្ចជនសង្ស័យពិតជាបានសារភាពថា ខ្លួនពិតជាបានទិញថ្នាំញៀននោះយកមកប្រើប្រាស់ពិតមែន បច្ចុប្បន្នជនសង្ស័យកំពុងកសាងសំណុំរឿងចាត់ការបន្តតាមនីតិវិធី ៕
ចែករំលែកព័តមាននេះ