រាជធានីភ្នំពេញ ៖ បុរសជាជនជាតិចិនម្នាក់ចូលម៉ាស្សាកោសជប់ត្រូវនារីម៉ាស្សាលួចលុយអស់១១០០ដុល្លារ ហេតុការណ៍នេះបង្កឱ្យមានការឆោរឡោកាលពីម៉ោង១០និង២៥នាទីយប់ ថ្ងៃ១៥ ខែកក្កដា ឆ្នាំ២០១៨ នៅចំណុចផ្ទះលេខ៩៥CEO តាមបណ្តោយផ្លូវលេខ១១៣ ស្ថិតក្នុងសង្កាត់បឹងកេងកងទី២…
រាជធានីភ្នំពេញ ៖ បុរសជាជនជាតិចិនម្នាក់ចូលម៉ាស្សាកោសជប់ត្រូវនារីម៉ាស្សាលួចលុយអស់១១០០ដុល្លារ ហេតុការណ៍នេះបង្កឱ្យមានការឆោរឡោកាលពីម៉ោង១០និង២៥នាទីយប់ ថ្ងៃ១៥ ខែកក្កដា ឆ្នាំ២០១៨ នៅចំណុចផ្ទះលេខ៩៥CEO តាមបណ្តោយផ្លូវលេខ១១៣ ស្ថិតក្នុងសង្កាត់បឹងកេងកងទី២ ខណ្ឌចំការមន។
ប្រភពពីកន្លែងកើតហេតុបានឲ្យដឹងថា នៅមុនកើតហេតុ គេឃើញបុរសជនជាតិចិនរូបនោះចូលហាងកោសជប់ម៉ាស្សាយីហោ មានឈ្មោះម៉ាស្សាបែបបុរាណខ្មែរមានម៉ាស៊ីនត្រជាក់៥ដុល្លារ និងកោសជប់ខ្យល់បុរស និងនារី៣ដុល្លារ ។
បើតាមម្ចាស់ហាងឲ្យដឹងថា ជនជាតិចិនរូបនោះបានចូលហាងម៉ាស្សាតាំងពីម៉ោង១១និង៣០នាទីថ្ងៃមកម្ល៉េះ រួចហើយគាត់ត្រឡប់ទៅផ្ទះវិញនៅល្ងាចថ្ងៃដដែល លុះដល់ម៉ោង១០និង២៥នាទីយប់ ទើបមកឆោឡោថា បាត់លុយអស់១១០០ដុល្លារ ផ្អើលដល់ប្រជាពលរដ្ឋជិតខាង និងសមត្ថកិច្ចមូលដ្ឋានចុះមកដល់កន្លែងកើតហេតុភ្លាមៗតែម្តង។
ប្រភពដដែលបន្តទៀតថា ក្រោយកើតហេតុជនជាតិចិនរូបនោះ ត្រូវថៅកែហាងប្តីប្រពន្ធបានប្រគល់លុយសងទៅវិញចំនួន៥០០ដុល្លារ តែជនជាតិចិនមិនព្រម ។ បន្តិចក្រោយមកសមត្ថកិច្ចបានដឹកម្ចាស់ហាងម៉ាស្សាប្តីប្រពន្ធទាំង២នាក់ទៅសាកសួរនៅឯប៉ុស្តិ៍បឹងកេងកងទី២ រួមនិងនារីម៉ាស្សាម្នាក់ថែមទៀត ដើម្បីសួរនាំ ៕
ចែករំលែកព័តមាននេះ