រាជធានីភ្នំពេញ ៖ ក្រោយពីការបង្ក្រាប និងចាប់ខ្លួនជនសង្ស័យប្រុសស្រីមួយក្រុមមានគ្នាចំនួន៩នាក់ ដែលជាមុខសញ្ញាលួចកាច់សោកម៉ូតូយ៉ាងសកម្មនោះ នៅវេលាព្រឹកថ្ងៃទី១៥ ខែកក្កដា ឆ្នាំ២០១៨ កម្លាំងនគរបាលនៃអធិការដ្ឋានខណ្ឌដង្កោ ដឹកនាំដោយលោកវរៈសេនីយ៍ឯក…
រាជធានីភ្នំពេញ ៖ ក្រោយពីការបង្ក្រាប និងចាប់ខ្លួនជនសង្ស័យប្រុសស្រីមួយក្រុមមានគ្នាចំនួន៩នាក់ ដែលជាមុខសញ្ញាលួចកាច់សោកម៉ូតូយ៉ាងសកម្មនោះ នៅវេលាព្រឹកថ្ងៃទី១៥ ខែកក្កដា ឆ្នាំ២០១៨ កម្លាំងនគរបាលនៃអធិការដ្ឋានខណ្ឌដង្កោ ដឹកនាំដោយលោកវរៈសេនីយ៍ឯក ជឹម ស៊ីថា អធិការនគរបាល ខណ្ឌ បានធ្វើសន្និសិទសារព័ត៌មាន បង្ហាញមុខក្រុមជនសង្ស័យទាំងនោះជាសាធារណៈផងដែរ។
ជនសង្ស័យខាងលើបានអស់លក្ខណ៍ត្រឹមពេលលួចម៉ូតូម៉ាកស៊ុយហ្ស៊ុយគីលែត១គ្រឿងបានសម្រេចហើយ ប៉ុន្តែត្រូវម្ចាស់មើលឃើញតាមកាមេរ៉ា ក៏ស្រែកឆោឡោបង្កការភ្ញាក់ផ្អើល ហើយកម្លាំងនគរបាល កំពុងល្បាតតាមផ្លូវស្រាប់ ក៏ចាប់ខ្លួនបានជាបន្តបន្ទាប់តែម្ដង។ នគរបាលបានប្រាប់ឲ្យដឹងថា ជនសង្ស័យទាំង៩នាក់នោះ រួមមាន -,ឈ្មោះ ផល សារ៉ាត់ ភេទប្រុស អាយុ៣១ឆ្នាំ ជនជាតិខ្មែរ មុខរបរជាងចាក់សាក់ ស្នាក់នៅក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ(មុខសញ្ញាលួចកាច់កម៉ូតូ)។
២-ឈ្មោះ ឆាយ សុវណ្ណា ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ក្នុងភូមិជាមួយគ្នា(លួចកាច់កម៉ូតូនិងឆក់),៣-ឈ្មោះ ឡេង បារាំង ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ(ជននេះទើបចេញពីពន្ធនាគារថ្មីៗ និងសមគំនិតក្នុងការលួចនាពេលនេះទៀត)។ ៤-ឈ្មោះ ប៊ុនធី ប៊ុនថន ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិឫស្សី សង្កាត់ស្ទឹងមានជ័យ ខណ្ឌមានជ័យ (អ្នកសមគំនិតលួច), ៥-ឈ្មោះ យឹម សារ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ក្នុងភូមិម័ល សង្កាត់ដង្កោ ខណ្ឌដង្កោ (លួចកាច់កម៉ូតូ និងឆក់)។
៦-ឈ្មោះ ញៀន លីដេ ភេទស្រី អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ(សមគំ និតលួច) ៧-ឈ្មោះ យុន សារិទ្ធ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ(ឆក់), ៨-ឈ្មោះ ហេង ស្រីណាង ភេទស្រី អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ(សមគំនិតលួច) ទាំង៣នាក់នេះស្នាក់នៅផ្ទះជួល ក្នុងភូមិឫស្សី សង្កាត់ស្ទឹងមានជ័យ,៩-ឈ្មោះ អេវ ណាវិន ភេទប្រុស អាយុ២៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ សង្កាត់ចតុមុខ ខណ្ឌដូនពេញ រាជធានីភ្នំពេញ (ទើបចេញពីពន្ធនាគារថ្មីៗ និងសមគំនិតលួច)។ លោកវរៈសេនីយ៍ឯក ជឹម ស៊ីថា អធិការនគរបាលខណ្ឌ ដង្កោបានឲ្យដឹងថា កាលពីវេលាម៉ោង៥ និង៣០នាទីរសៀល ថ្ងៃទី១៤ ខែកក្កដា ឆ្នាំ២០១៨ ក្រុមជនសង្ស័យបានចូលទៅ ធ្វើសកម្មភាពកាច់សោកម៉ូតូ១គ្រឿង ដែលម្ចាស់គេចតទុកនៅមុខផ្ទះ នៅក្នុងបុរីពិភពថ្មី (ចំការដូង) ស្ថិតនៅក្នុងភូមិសំបួរ សង្កាត់ដង្កោ ខណ្ឌដង្កោ។
ប៉ុន្តែពេលនោះអ្នក ចេញទៅធ្វើសកម្មភាពដោយផ្ទាល់ នាពេលនោះ គឺមានតែ២នាក់ប៉ុណ្ណោះគឺមានឈ្មោះ ឆាយ សុវណ្ណា និងឈ្មោះ យឹម សារ ហៅខុង ដោយបានជិះម៉ូតូ១គ្រឿងម៉ាក ហុងដាឌ្រីមសេ១១០(អាសង់ប៊ិច) ពណ៌ខ្មៅពាក់ស្លាកលេខ ភ្នំពេញ 1BO-7190។ ក្រមជនសង្ស័យខាងលើបានធ្វើសកម្មភាពលួចម៉ូតូ១គ្រឿងម៉ាក Suzuki Let ពណ៌ស ពាក់ស្លាកលេខ ភ្នំពេញ 1FR-8814 មានលេខតួ និងលេខម៉ាស៊ីន 404130 ដែលជាកម្មសិទ្ធិរបស់ បុរសម្នាក់ឈ្មោះ ធល សុខា អាយុ៤៥ឆ្នាំ ស្នាក់នៅផ្ទះលេខ៥៣៨ ផ្លូវបេតុងបុរីចំការដូង២ ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។
ប្រភពដដែលបានបន្តទៀតថា ខណៈដែលធ្វើសកម្មភាពលួច ម្ចាស់បានមើលតាមកាមេរ៉ាសុវត្ថិភាពឃើញក៏បានស្រែកឆោឡោ បង្កការភ្ញាក់ផ្អើលដល់នគរបាល របស់លោក កំពុងល្បាតប្រទះឃើញភិនភាគជនសង្ស័យ កម្លាំងក៏បានដេញតាម និងឃាត់ខ្លួនបានភ្លាមៗរួចបាននាំយកមកធ្វើការសាកសួរ និងបន្តទៅឃាត់ខ្លួនបក្ខពួក៧នាក់ទៀត បានជាបន្តបន្ទាប់ ហើយឃុំខ្លួនបណ្ដោះអាសន្នរង់ចាំការកសាងសំណុំរឿងចាត់ការតាមច្បាប់៕
ចែករំលែកព័តមាននេះ