អតីតនាយករដ្ឋមន្ត្រីអាយុ៨៦ឆ្នាំ រៀបការម្តងទៀតជាលើកទី៤
ថៃ ៖ តាមប្រភពព័ត៌មាន Bangkok Post បានឲ្យដឹងថា អតីតនាយករដ្ឋមន្ត្រីថៃ Chavalit Yongchaiyudh អាយុ៨៦ឆ្នាំ…
ថៃ ៖ តាមប្រភពព័ត៌មាន Bangkok Post បានឲ្យដឹងថា អតីតនាយករដ្ឋមន្ត្រីថៃ Chavalit Yongchaiyudh អាយុ៨៦ឆ្នាំ…
ថៃ ៖ តាមប្រភពព័ត៌មាន Bangkok Post បានឲ្យដឹងថា អតីតនាយករដ្ឋមន្ត្រីថៃ Chavalit Yongchaiyudh អាយុ៨៦ឆ្នាំ បានរៀបការជាលើកទី៤ ជាមួយនឹងគូជីវិតអាយុ៥៣ឆ្នាំ។ លោកឧត្តមសេនីយ៍ Chavalit បានប្រាប់ជាសាធារណៈ ក្រោយពេលរូបថតក្នុងថ្ងៃមង្គលការរបស់លោកត្រូវបានគេចែករំលែកពេញបណ្តាញសង្គម។
ភរិយាថ្មីរបស់លោក ត្រូវបានគេស្គាល់ថា មានឈ្មោះ Orathai Sorakan ដែលជាអ្នកស្រុកខេត្ត Nakhon Sawan។ លោកឧត្តមសេនីយ៍ប្រាប់ថា លោកមិនបានយកប្រពន្ធសោះក្រោយលែងគ្នាជាមួយនឹងប្រពន្ធទី៣របស់លោក ឈ្មោះ Khunying Pankhrua តាំងពី១០ឆ្នាំមុន។ ក្រោយរៀបការ លោក និងភរិយាថ្មី នឹងទៅរស់នៅក្នុងផ្ទះថ្មីនាតំបន់ Kaset-Nawamin នៃទីក្រុងបាំងកក។
លោកឧត្តមសេនីយ៍ ដែលធ្លាប់ធ្វើជានាយករដ្ឋមន្ត្រី បានបន្តប្រាប់ថា ភរិយាថ្មីរបស់លោកបានមើលថែលោករាល់ពេលឈឺថ្កាត់ ហើយលោកពិតជាគោរពស្រឡាញ់នាងណាស់ ដោយយកនាងទៅតាមគ្រប់រាល់កម្មវិធី។
តាមសម្តីរបស់អ្នកនៅក្បែរលោកឧត្តមសេនីយ៍បានឲ្យដឹងថា ភរិយាថ្មីរបស់លោកបាននៅជាមួយលោកអស់រយៈពេល១០ឆ្នាំហើយ មុនពេលសម្រេចថារៀបការ។ នាងតែងតែទៅណាមកណាជាមួយលោក ហើយរៀបចំថ្នាំឲ្យលោកជានិច្ច។ បើទោះបីជានៅជាមួយគ្នាយូរបែបនេះក៏ដោយ ពួកគេទើបចុះលិខិតអាពាហ៍ពិពាហ៍នៅថ្ងៃទី១៩ ខែឧសភាថ្មីៗក្នុងឆ្នាំនេះទេ៕
ចែករំលែកព័តមាននេះ