ខេត្តកំពង់ឆ្នាំង ៖ សមត្ថកិច្ចកងរាជអាវុធហត្ថ ស្រុកបរិបូណ៍ កាលពីម៉ោង៩និង៣០នាទីព្រឹក នៅថ្ងៃទី១៤ ខែកក្ដដា ឆ្នាំ២០១៨ បានឆ្មក់ចាប់ជនសង្ស័យជាអ្នកចែកចាយគ្រឿងញៀន២នាក់ ដោយដកហូតវត្ថុតាងថ្នាំញៀន១១កញ្ចប់…
ខេត្តកំពង់ឆ្នាំង ៖ សមត្ថកិច្ចកងរាជអាវុធហត្ថ ស្រុកបរិបូណ៍ កាលពីម៉ោង៩និង៣០នាទីព្រឹក នៅថ្ងៃទី១៤ ខែកក្ដដា ឆ្នាំ២០១៨ បានឆ្មក់ចាប់ជនសង្ស័យជាអ្នកចែកចាយគ្រឿងញៀន២នាក់ ដោយដកហូតវត្ថុតាងថ្នាំញៀន១១កញ្ចប់ នៅចំណុចផ្លូវជាតិលេខ៥ ជាប់របងមន្ទីរពេទ្យបង្អែក ស្ថិតក្នុងភូមិសាលា ឃុំពពេល ស្រុកបរិបូណ៍ ខេត្តកំពង់ឆ្នាំង ។
លោក គិត គន្ធា មេបញ្ជាការកងរាជអាវុធហត្ថស្រុក បានឱ្យដឹងថា ជនសង្ស័យខាងលើ ១-ឈ្មោះ និន ទិត្យ អាយុ២០ឆ្នាំ ភេទប្រុស រស់នៅភូមិតាំងត្រពាំង ឃុំពេជ្រចង្វារ ស្រុកបរិបូណ៍ និង២-ឈ្មោះ ឡេង លីហ៊ួរ រស់នៅភូមិពន្លៃ ឃុំពន្លៃ ស្រុកបរិបូណ៍ ហើយក្នុងពេលចាប់ខ្លួនសមត្ថកិច្ចដកហូតថ្នាំញៀនចំនួន១១កញ្ចប់ កាំភ្លើងកែច្នៃ១ដើម ម៉ូតូសង់០១៧ ពណ៌ខ្មៅ១គ្រឿង ថង់សម្រាប់វិចខ្ចប់គ្រឿងញៀន និងឧបករណ៍ជក់គ្រឿងញៀនមួយចំនួនទៀត។
តាមចម្លើយជនសង្ស័យដែលជាប់ពាក់ព័ន្ធក្នុងករណីខាងលើនេននិយាយឱ្យដឹងថា ពួកគេបានទទួលគ្រឿងញៀនពីមេធំចែកចាយគ្រឿងញៀនម្នាក់នៅក្នុងស្រុកក្រគរ ខេត្តពោធិ៍សាត់ ដែលបានធ្វើសកម្មភាពជាយូរមកហើយ និងមិនឃើញសមត្ថកិច្ចនគរបាលចាត់វិធានការឡើយ។
ក្រោយមកជនសង្ស័យទាំង២នាក់ រួមនឹងវត្ថុតាង ត្រូវបានសមត្ថកិច្ចកងរាជអាវុធហត្ថស្រុកកសាងសំណុំរឿងតាមនីតិវិធីបញ្ជូនមកកាន់ទីបញ្ជាការកងរាជអាវុធហត្ថខេត្ត ដើម្បីចាត់ការបន្តបញ្ជូនទៅកាន់តុលាការខេត្តផ្តន្ទាទោសតាមច្បាប់៕
ចែករំលែកព័តមាននេះ