ខេត្តកំពង់ធំ ៖ សេចក្តីរាយការណ៍ឲ្យដឹងថា កាលពីវេលាម៉ោង៧និង១០នាទីព្រឹកថ្ងៃទី១៥ កក្កដា មានករណីប្តីផ្ទុះអាវុធកែឆ្នៃ បណ្តាលឲ្យស្លាប់ប្រពន្ធ នៅតំបន់អូរពីរ ក្នុងភូមិសាស្ត្រ ភូមិកន្លងខ្ទីង…
ខេត្តកំពង់ធំ ៖ សេចក្តីរាយការណ៍ឲ្យដឹងថា កាលពីវេលាម៉ោង៧និង១០នាទីព្រឹកថ្ងៃទី១៥ កក្កដា មានករណីប្តីផ្ទុះអាវុធកែឆ្នៃ បណ្តាលឲ្យស្លាប់ប្រពន្ធ នៅតំបន់អូរពីរ ក្នុងភូមិសាស្ត្រ ភូមិកន្លងខ្ទីង ឃុំឈើទាល ស្រុកសណ្ដាន់ ខេត្តកំពង់ធំ ។
បុរសជាប្តីឈ្មោះ ម៉ៅ ជាតិ ភេទប្រុស អាយុ២៤ឆ្នាំ មានស្រុកកំណើត ភូមិពុទ្ធសត ឃុំពុទ្ធសត ស្រុកអូរជ្រៅ ខេត្តបន្ទាយមានជ័យ សព្វថ្ងៃមករស់នៅភូមិចារជ្រុំ ឃុំសំបូរ ស្រុកប្រាសាទសំបូរ ខេត្តកំពង់ធំ ។ ជនរងគ្រោះឈ្មោះ គង់ ទី ភេទស្រី អាយុ២៨ឆ្នាំ រស់នៅភូមិឃុំជាមួយគ្នា និង មកធ្វើជាកម្មករស៊ីឈ្នួលជម្រះស្មៅដំឡូងនៅតំបន់អូរពីរ ។
បុរសជាប្តីបានរៀបរាប់ប្រាប់សមត្ថកិច្ចថា ដំបូងពួកគេ២នាក់ប្តីប្រពន្ធបានទៅចម្ការ ដើម្បីធ្វើការងារដូចរាល់ថ្ងៃ ពេលនោះខ្លួនរើសបានកាំភ្លើងកែឆ្នៃ១ដើម ដោយប្រើគ្រាប់កាំភ្លើងអាកានៅចម្ការដាក់ក្នុងកាបូប ។ លុះពេលរៀបចំមកផ្ទះវិញប្តីបានយកកាំភ្លើងកែឆ្នៃមកភ្ជង់ប្រពន្ធលេង និងបានកេះកៃទើបបណ្តាលឲ្យផ្ទុះ១គ្រាប់ត្រូវប្រពន្ធ ស្លាប់ពេលបញ្ជូនដល់មន្ទីរពេទ្យបង្អែកខេត្តកំពង់ធំ ។
បន្ទាប់មកជនសង្ស័យត្រូវបានសមត្ថកិច្ចឃាត់ខ្លួន និងនាំទៅកាន់អធិការដ្ឋាននគរបាលស្រុកសណ្តាន់ ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ