លោកត្រាំទៅវាយកូនគោល មនុស្សជាច្រើនពាន់នាក់លើកគ្នាមក
សហរដ្ឋអាមេរិក និងអង់គ្លេស ៖ មនុស្សជាច្រើនពាន់នាក់ កាលពីថ្ងៃទី១៤ កក្កដា ឆ្នាំ២០១៨ បានលើកគ្នាធ្វើបាតុកម្មនៅទីក្រុង EDIMBOURG តំបន់អេកូសអង់គ្លេស…
សហរដ្ឋអាមេរិក និងអង់គ្លេស ៖ មនុស្សជាច្រើនពាន់នាក់ កាលពីថ្ងៃទី១៤ កក្កដា ឆ្នាំ២០១៨ បានលើកគ្នាធ្វើបាតុកម្មនៅទីក្រុង EDIMBOURG តំបន់អេកូសអង់គ្លេស ប្រឆាំងប្រធានាធិបតីអាមេរិក លោកដូណាល់ ត្រាំ ដែលបញ្ចប់ទស្សនកិច្ចរបស់លោកនៅអង់គ្លេស ហើយឆ្លៀតទៅលេងសណ្ឋាគារទំនើប TURNBERRY របស់លោកនៅទីនោះ។លោកត្រាំបានឆ្លៀតឱកាសនោះដើម្បីវាយកូនគោល។
នៅ EDIMBOURG យោងតាមប៉ូលិសថា មនុស្សប្រមាណជា៩០០០នាក់ បាននាំគ្នាដើរហែក្បួន ប្រឆាំងទស្សនកិច្ចរបស់លោកត្រាំនៅចក្រភពអង់គ្លេស ជាទស្សនកិច្ចលើកដំបូងរបស់លោកនៅទីនោះក្នុងឋានៈលោកជាប្រធានាធិបតីសហរដ្ឋអាមេរិក។ ពួកបាតុករនាំគ្នាស្រែកថា លោកត្រាំក្នុងធុងសម្រាម យើងពុំសា្វគមន៍លោកទេ អេកូសនិយាយថា ទេចំពោះលោកត្រាំ។
ពួកបាតុករលើកប៉ង់កាតសរសេរពាក្យទាំងនេះ ហើយបង្ហោះបាល់ឡុងយក្សតំណាងប្រធានាធិបតីអាមេរិក។ មុននេះបាតុកម្មប្រឆាំងលោកត្រាំនៅទីក្រុងឡុងដ៏ប្រមូលផ្ដុំមនុស្ស ច្រើនសិបពាន់នាក់។
នៅទីលានវាយកូនគោលគេឃើញលោកត្រាំកំពុងវាយបាល់កូនគោល នៅឯទីតាំងសណ្ឋាគារTURNBERY ហើយលើកដៃជាសញ្ញាដល់ពួកបាតុករ ដែលនាំគ្នាស្រែកពាក្យថា អេកូសនិយាយថាទេ ចំពោះលោកត្រាំ បដិសេធត្រាំ បដិសេធសហរដ្ឋអាមេរិកប្រកាន់ពូជសាសន៍។ ចេញពីអេកូសលោកត្រាំទៅកាន់ទីក្រុងហែលស៊ីនគី ប្រទេសហ្វាំងឡង់ ជួបលោកប្រធានាធិបតីរុស្ស៊ីលោកវ្ល៉ាឌីមៀរ ពូទីននៅទីនោះ៕
ចែករំលែកព័តមាននេះ