ពុទ្ធោ! ឪពុកម្តាយរន្ធត់ចិត្តប៉ុនណាទៅ ?
- កំពង់ធំ
ខេត្តកំពង់ធំ ៖ ករណីមនុស្សលង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីព្រឹកថ្ងៃទី១៥ ខែកក្កដា ឆ្នាំ២០១៨ នៅចំណុចភូមិត្រពាំងផ្តឹល តំបន់សូងសាង ក្នុងភូមិថ្មសំលៀង ឃុំក្រយា…
ខេត្តកំពង់ធំ ៖ ករណីមនុស្សលង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីព្រឹកថ្ងៃទី១៥ ខែកក្កដា ឆ្នាំ២០១៨ នៅចំណុចភូមិត្រពាំងផ្តឹល តំបន់សូងសាង ក្នុងភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា សពជនរងគ្រោះឈ្មោះ ធី ចាន់ថន ភេទប្រុស អាយុ១៤ឆ្នាំ ជនជាតិខ្មែរ បច្ចុប្បន្នមកស្នាក់នៅបណ្ដោះអាសន្ននៅភូមិឃុំខាងលើ ។
បើយោងតាមការឲ្យដឹងពីឪពុកជនរងគ្រោះឈ្មោះ យ៉ុង វុទ្ធី ភេទប្រុស អាយុ៣៧ និយាយថា ជារៀងរាល់ថ្ងៃកូនប្រុសរបស់គាត់នេះ តែងតែទៅចងសន្ទូច នៅចំណុចត្រពាំងផ្តឹល នៅតំបន់សូងសាងខាងលើ ដែលមានចម្ងាយពីផ្ទះប្រហែល១៥០០ម៉ែត្រតែម្នាក់ឯង ។ ចំណែករូបគាត់ជាឪពុកទៅធ្វើចម្ការបាត់លុះគាត់ត្រឡប់មកពីចម្ការវិញ រកកូនមិនឃើញសោះ ហើយក៏នាំគ្នាដើររកទៅមើលនៅជុំវិញមាត់ស្រះត្រពាំងផ្តឹលក៏បានប្រទះឃើញស្បែកជើងកូននៅនឹងមាត់ស្រះសង្ស័យថា កូនគាត់ច្បាស់ជាលង់ទឹកស្រះហើយពេលនោះគាត់ក៏ហៅបងប្អូនជិតខាងឲ្យជួយយកស្បៃមកអូសនៅក្នុងទឹកស្រះ ក៏បានជាប់សពកូនប្រុសគាត់មកមិនដឹងជាលង់ទឹកពីថ្មើរណានោះទេ ស្លាប់យ៉ាងអាណោចអាធម៌បាត់ទៅហើយ ។
ក្រោយដឹងព័ត៌មានកម្លាំងជំនាញយើងបានសហការជាមួយលោកនាយប៉ុស្តិ៍ លោកមេភូមិ និងក្រុមគ្រួសារសពធ្វើការពិនិត្យសពឃើញថា សពស្លាប់ដោយសារលង់ទឹកពិតប្រាកដមែន ។ ក្រោយពីពិនិត្យធ្វើកំណត់ហេតុរួចក៏ប្រគល់សពជូនក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ