មនុស្សយើងច្រើនតែចូលចិត្តលេងសើចត្រង់ថា គូស្នេហ៍មួយគូនឹងឈប់រួមភេទជាមួយគ្នាទៀតហើយនៅពេលពួកគេរៀបការរួច ។ ស្ថិតត្រង់ចំណុចនេះអាចនិយាយបានថា វាមិនទាំងអស់នោះទេ ប៉ុន្តែវានឹងអាចកើតឡើងបានដែរ បើសិនជាប្តី ឬប្រពន្ធកំពុងតែមានអាការដូចខាងក្រោមនេះ ជ្រៀតចូលក្នុងជីវិតអាពាហ៍ពិពាហ៍របស់ខ្លួន ។…
មនុស្សយើងច្រើនតែចូលចិត្តលេងសើចត្រង់ថា គូស្នេហ៍មួយគូនឹងឈប់រួមភេទជាមួយគ្នាទៀតហើយនៅពេលពួកគេរៀបការរួច ។ ស្ថិតត្រង់ចំណុចនេះអាចនិយាយបានថា វាមិនទាំងអស់នោះទេ ប៉ុន្តែវានឹងអាចកើតឡើងបានដែរ បើសិនជាប្តី ឬប្រពន្ធកំពុងតែមានអាការដូចខាងក្រោមនេះ ជ្រៀតចូលក្នុងជីវិតអាពាហ៍ពិពាហ៍របស់ខ្លួន ។
១-អ្នកមិនដែលចូលគេងទៀងទាត់ពេលវេលា ៖ និយាយទៅ វាពិតជាគ្មានអ្វីទាស់ខុសឡើយបើសិនជាពីរនាក់ប្តីប្រពន្ធមានទម្លាប់គេង ខុសៗគ្នា ប៉ុន្តែបើសិនជាអ្នក ឬប្តីប្រពន្ធមិនធ្លាប់ចំណាយពេលវេលាគេងជាមួយគ្នាសោះនោះ វាពិតជាបញ្ហាដ៏ធំមួយហើយ មានន័យថា ពួកគេទាំងពីរនាក់មិនអាចមានឱកាសបង្កើនភាពស្និទ្ធស្នាលខាងផ្លូវភេទបានទេ ។
២-អ្នកទាំងពីរចេះតែមានអារម្មណ៍អស់កម្លាំងជាប់រហូត ៖ មនុស្សធំពេញវ័យតែងតែមានភាពអស់កម្លាំង និងនឿយហត់ចៀសមិនផុតទេ ហើយការដែលរៀបការរួចរឹងតែនឿយហត់ខ្លាំងជាងនៅលីវទៅទៀត ។ ប៉ុន្តែការដែលមានអារម្មណ៍នឿយហត់នៅពេលដៃគូចង់បានការរួមភេតជាមួយនោះ គឺជាប្រតិកម្មធម្មតាទេ ។ ទោះបីជាយ៉ាងណាក៏ដោយ បើសិនជាដៃគូអ្នកមានអារម្មណ៍អស់កម្លាំងដូចគ្នាវិញទើបជាបញ្ហា ព្រោះអ្នកទាំងពីរចង់តែស្វែងរកពេលវេលាដើម្បីសម្រាក រៀងៗខ្លួន និងលែងចាប់អារម្មណ៍រឿងសមរភូមិលើគ្រែទៀត ។
៣-ជីវិតផ្លូវភេទអ្នកមិនចង់ឲ្យមានការផ្សងព្រេងបន្ថែម ៖ ការឈានដល់ចំណុចកំពូលក្នុងពេលរួមភេទគឺជារឿងដ៏អស្ចារ្យ ប៉ុន្តែវាមិនមែនជារឿងតែមួយគត់ដែលការរួមភេទផ្តល់ឲ្យនោះទេ ។ ៩៩ភាគរយនៃការរួមភេទគឺធ្វើដើម្បីឈានដល់ចំណុចកំពូលមួយនេះ។
យ៉ាងណាមិញ នៅពេលពីរនាក់ប្តីប្រពន្ធមានអារម្មណ៍អស់កម្លាំង ឬប្រញាប់ៗពេក ឬមានអារម្មណ៍ធុញទ្រាន់នឹងគ្នាទៅវិញទៅមកហើយ ជីវិតពួកគេទាំងពីរប្រាកដជាចង់បានតែការឈានដល់ចំណុចកំពូលឲ្យលឿនប៉ុណ្ណោះទេ ។
៤-អ្នកលែងខ្វល់អំពីរូបសម្បតិ្តខ្លួនឯងទៀតហើយ ៖ ផ្នែកមួយដ៏សំខាន់បំផុតក្នុងនាមជាមិត្ត១០០ឆ្នាំនោះគឺ អ្នកមានដៃគូម្នាក់ដែលស្រឡាញ់អ្នកដោយគ្មានលក្ខខណ្ឌ គឺគ្រប់គ្រាន់ហើយ ។ ទោះបីជាយ៉ាងនេះក្តី អ្នកពិតជាមិនចង់គេងជាមួយប្តី ឬប្រពន្ធដែលតែងតែស្លៀកសម្លៀកបំពាក់ដដែលៗរាល់ថ្ងៃឡើយ ។
រឿងនេះខ្ញុំមិនមែនចង់និយាយថា អ្នកត្រូវតែធ្វើតុបតែខ្លួនរាល់ថ្ងៃដើម្បីក្លាយទៅជាដៃគូជីវិតល្អឥតខ្ចោះទេ ប៉ុន្តែយកល្អអ្នកគួរតែធ្វើយ៉ាងណាថែរក្សារូបសម្បត្តិរបស់ខ្លួនឯងបានល្អ ជាពិសេសទាក់ទាញចំណាប់អារម្មណ៍ពីប្តី ឬប្រពន្ធឲ្យបានច្រើនទើបល្អ ជាពិសេសការរួមភេទជាមួយគ្នាជាប្រចាំតែម្តង ។
៥-អ្នកមិនចូលចិត្តនិយាយជាមួយគ្នា ៖ រឿងនេះត្រូវបានចាត់ទុកថាជាផ្នែកមួយដែលពិបាកណាស់។ ក្នុងនាមជាប្តីប្រពន្ធរយៈពេលយូរ អាចនឹងមានពេលខ្លះ អ្នកទាំងពីរតែងនិយាយប្រាប់គេថា ប្តី ឬប្រពន្ធទាំងពីររបស់អ្នកដូចជាមានរឿងឈ្លោះគ្នាច្រើន។
អ្នកអាចនឹងមានអារម្មណ៍ថា មិនអាចនិយាយអ្វីជាមួយគ្នាទាល់តែសោះ ព្រោះយល់ថា ប្តីឬប្រពន្ធអ្នកទំនងជាមានអារម្មណ៍ដូចគ្នានឹងអ្នកក្នុងការពិភាក្សាគ្នាឡើយ។ នៅពេលដែលមានរឿងជាច្រើនកំពុងតែកប់ក្នុងជីវិតអាពាហ៍ពិពាហ៍អ្នកមែននោះ វាពិតជាប៉ះពាល់យ៉ាងខ្លាំងដល់ជីវិតផ្លូវភេទអ្នកណាស់ ៕ (ដកស្រង់ពីគេហទំព័រសុខភាព)
ចែករំលែកព័តមាននេះ