រាជធានីភ្នំពេញ៖ដោយក្តីអាណិតអាសូរចំពោះក្មេងប្រុសម្នាក់ដែលជិតប្រឡងបាក់ឌុបទៅហើយ តែត្រូវការឈាមដើម្បីព្យាបាលឲ្យទាន់ពេលនោះ អ្នកនាងខាត់ សុឃីម និងកញ្ញាស៊ូ ដាណេ បានអំពាវនាវដល់សាធារណជនជួយផ្តល់ឈាមដើម្បីសង្គ្រោះ ។ បន្ទាប់ពីឃើញបងស្រីបង្កើតរបស់ក្មេងប្រុសនោះប្រកាសសុំការបរិច្ចាគឈាមនៅតាមហ្វេសប៊ុក កាលពីពេល…
រាជធានីភ្នំពេញ៖ដោយក្តីអាណិតអាសូរចំពោះក្មេងប្រុសម្នាក់ដែលជិតប្រឡងបាក់ឌុបទៅហើយ តែត្រូវការឈាមដើម្បីព្យាបាលឲ្យទាន់ពេលនោះ អ្នកនាងខាត់ សុឃីម និងកញ្ញាស៊ូ ដាណេ បានអំពាវនាវដល់សាធារណជនជួយផ្តល់ឈាមដើម្បីសង្គ្រោះ ។
បន្ទាប់ពីឃើញបងស្រីបង្កើតរបស់ក្មេងប្រុសនោះប្រកាសសុំការបរិច្ចាគឈាមនៅតាមហ្វេសប៊ុក កាលពីពេល ថ្មីៗកន្លងមក ទើបអ្នកនាងខាត់ សុឃីម និងកញ្ញាស៊ូ ដាណេ ឈឺឆ្អាលជួយអំពាវនាវបន្ត ។ តាមនារីជាបងថាប្រុសរបស់ខ្លួនជួបគ្រោះថ្នាក់រងរបួសហូរឈាមឡើងខ្សោះអស់ពីខ្លួន ហើយត្រូវគ្រូពេទ្យប្រាប់ថា «ចាំបាច់ត្រូវបញ្ចូលឈាម» ។
ក្រោយការប្រកាសរបស់នារីជាបងនោះភ្លាម តារាចម្រៀងស្រីពីរដួងកញ្ញាស៊ូ ដាណេ និងអ្នកនាង ខាត់ សុឃីម បានជួយចែករំលែកព័ត៌បន្ត ដោយថា «តោះទៅជួយគ្នាខ្ញុំឈាម B+ តើអ្នកជំងឺឈាមប្រភេទអ្វីដែរ?» ។
តារាស្រីទាំងពីរដួងនេះទទួលបានពាក្យសរសើរពីមិត្តហ្វេសប៊ុក ដោយគេលើកឡើងថា«មិននឹកស្មានថាតារាពីរដួងនេះមានទឹកចិត្តចង់ជួយដល់អ្នកមានទុក្ខលំបាកបែបនេះសោះ សូមសរសើអស់ពីចិត្ត»។
យុវសិស្សឈ្មោះរិទ្ធ ជិតដល់ថ្ងៃប្រឡងបានជួបគ្រោះថ្នាក់កាលពីប៉ុន្មានថ្ងៃមុន ហើយត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យ ដោយសភាពរបួសបានហូរឈាមឡើងខ្សោះអស់ពីខ្លួន ហើយគ្រូពេទ្យប្រាប់ថាចាំបាច់ត្រូវបញ្ចូលឈាម ត ភ្លាមៗនោះសាច់ញាតិមិនដឹងរកឈាមមកពីណាទេ ។ ក្នុងស្ថានភាពបែបនោះបងស្រីបង្កើតបានប្រកាសដង្ហោយសុំឈាមពីសប្បុរសជននៅតាមហ្វេសប៊ុក ។
នារីជាបងស្រីបានសរសេរថា «សម្រាប់ពេលនេះស្ថានភាពរបស់ប្អូនខ្ញុំគឺត្រូវការជំនួយ ខាងមន្ទីរពេទ្យគឺគេខ្វះឈាម ! សូមជួយបន្តិចមកណា ពេលនេះគឺប្អូនរបស់ខ្ញុំសម្រាកព្យាបាលនៅមន្ទីរពេទ្យលោកសង្ឃ»។
ប្រភពដដែលបញ្ជាក់ថាប្អូនប្រុសរបស់នាងជួបគ្រោះថ្នាក់ចរាចរ ដោយប៉ះទង្គិចគ្នាជាមួយរថយន្ត ហើយបានរងរបួស ៕
ចែករំលែកព័តមាននេះ