រាជធានីភ្នំពេញ ៖ គណបក្សប្រជាធិបតេយ្យមូលដ្ឋានហៅកាត់ GDP បានប្រកាសព្រមានដកខ្លួនពីរការចូលរួមបោះឆ្នោតជ្រើសរើសអ្នកតំណាងរាស្ត្រអាណត្តិទី៦ ឆ្នាំ២០១៨នេះ ។ នេះបើការអះអាងរបស់អ្នកនាំពាក្យគណបក្សនេះ ។
លោកសាម អ៊ីន បានឲ្យដឹងនៅថ្ងៃទី១៥ ដែកក្កដា ឆ្នាំ២០១៨យ៉ាងដូច្នេះថា អាជ្ញាធរនៅរាជធានីភ្នំពេញខេត្តបាត់ដំបងមិនសហការជាមួយគណបក្សក្នុងការធ្វើយុទ្ធនាការឃោសនាបោះឆ្នោត ។ លោកបញ្ជាក់ថា «យើងមានការមិនសប្បាយចិត្តចំពោះអាជ្ញាធរដែនដីនៅភ្នំពេញពិ សេសប៉ូលិសចរាចរណ៍ដែលយើងធ្វើការហែក្បូនកាលពីថ្ងៃទី១០ កក្កដាពុំមានសហការបានល្អនិងនៅខេត្តបាត់ដំបងនៅភូមិរុក្ខគិរី មានប្រជាការពារម្នាក់បានរំខានសកម្មជនរបស់យើង ពេលហែក្បូន និងនៅខេត្តរតនគិរីមានការតាមដាន និងគំរាមកំហែងដល់សកម្មជនផងដែរ» ។
លោក សាន អ៊ីនអ្នកនាំពាក្យគណក្សប្រជាធិបតេយ្យមូលដ្ឋានបានគូសបញ្ជាក់ថា៖« ប្រសិនបើមានបញ្ហាប្រឈមបែបនឹងមានសភាពធ្ងន់ធ្ងរខ្លាំង យើងអាចនឹងពិចារណាក្នុងការដកខ្លួនចេញ ។ ប៉ុន្តែរហូតមកដល់ពេលនេះយើងឃើញថា អាជ្ញាធរបានសហការ ហើយគ.ជ.បក៏បានសុំទោស និងជួយសហការ» ។
លោកបន្ថែមដោយព្រមានថា ប្រសិនបើអាជ្ញាធរនៅមិនសហការធ្ងន់ធ្ងរទៀតក្នុងការសហការក្នុងការឃោសនាហែក្បូនយុទ្ធនាការបោះឆ្នោតនោះ យើងនឹងពិចារណាក្នុងការដកខ្លួនចេញពីការបោះឆ្នោត ។ លោកបានអំពាវនាវដល់អាជ្ញាធរដែនដីទាំងអស់ត្រូវបង្កភាពខាងស្រួលដល់គណបក្សនយោបាយក្នុងការធ្វើយុទ្ធនាការហែក្បួនបោះឆ្នោតឲ្យមានភាពល្អប្រសើរកុំមានការរារាំង ។ លោកក៏បានស្នើដល់គណៈកម្មាធិការជាតិរៀបចំការបោះឆ្នោតធ្វើយ៉ាងណារៀបចំការបោះឆ្នោត ដោយស្មើភាពត្រឹមត្រូវ និងយុត្តិធម៌ ហើយសម្រូលដល់ភាពងាស្រួលដល់គ្រប់គណបក្សន យោបាយទាំងអស់ក្នុងការឃោសនាបោះឆ្នោតផងដែរ ។
សូមជម្រាប់ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ មានគណបក្សនយោបាយចំនួន២០រហូតមកដល់ថ្ងៃទី១៥ កក្កដា ឆ្នាំ២០១៨ នេះជាថ្ងៃទី៩ ហើយសម្រាប់ការឃោសនាយុទ្ធនាការបោះឆ្នោត ។ បើតាមអ្នកនាំពាក្យគ.ជ.ប ធ្លាប់បានឲ្យដឹងការឃោសនាបោះឆ្នោតរយៈពេលកន្លងមកនេះមានភាពល្អប្រសើរ ប៉ុន្តែក៏បានទទួលពាក្យបណ្តឹងមួយចំនួន៤ តែគ.ជ.បកំពុងតែធ្វើការដោះស្រាយ សម្រួលផងដែរ ។
គួរឮកថា គ.ជ.ប បានបោះពុម្ពសន្លឹកឆ្នោតរួចជាស្ថាពរ ហើយគ្រោងនឹងដឹកជញ្ជូនទៅការិយាល័យមុន៣៦ម៉ោង ។ សន្លឹកឆ្នោតដែលនឹងត្រូវបោះពុម្ព ដើម្បីបម្រើដល់ការបោះ ឆ្នោតនៅថ្ងៃទី២៩ ខែកក្កដា ឆ្នាំ២០១៨ខាងមុខនេះ មានចំនួន១០,៥២៥,៦៥០សន្លឹក ។ ក្នុងនោះសន្លឹកឆ្នោត៣២៩,២០០សន្លឹកជាសន្លឹកឆ្នោតគំរូ ហើយក្រៅពីនោះក៏មានសន្លឹកឆ្នោតសម្រាប់ប្រើប្រាស់ ដើម្បីបណ្តុះបណ្តាលមន្ត្រី និងសន្លឹកឆ្នោតត្រៀមបម្រុងនៅតាមការិយាល័យ បោះឆ្នោតនីមួយៗផងដែរ ៕
ចែករំលែកព័តមាននេះ