ខេត្តសៀមរាប ៖ លោកឧត្តមសេនីយ៍ឯក ស ថេត អគ្គស្នងការរងដឹកនាំប្រតិភូចំនួន៥ខេត្តដែលមានស្នងការដ្ឋាននគបាលខេត្តបន្ទាយមានជ័យ ខេត្តឧត្តរមានជ័យ ខេត្តបាត់ដំបង ខេត្តប៉ៃលិន និងខេត្តព្រះវិហារ…
ខេត្តសៀមរាប ៖ លោកឧត្តមសេនីយ៍ឯក ស ថេត អគ្គស្នងការរងដឹកនាំប្រតិភូចំនួន៥ខេត្តដែលមានស្នងការដ្ឋាននគបាលខេត្តបន្ទាយមានជ័យ ខេត្តឧត្តរមានជ័យ ខេត្តបាត់ដំបង ខេត្តប៉ៃលិន និងខេត្តព្រះវិហារ នាថ្ងៃទី១៣ ខែកក្កដា ឆ្នាំ២០១៨ ដោយមានការចូលរួមកិច្ចប្រជុំផ្លាស់ប្តូរបទពិសោធន៍ស្តីពីការរៀបចំ និងសកម្មភាពប្រតិបត្តិការរបស់ក្រុមប្រចាំបញ្ជាកម្លាំងប្រចាំថ្ងៃ និងកម្លាំងអន្តរាគមន៍ចម្រុះនៃស្នងការដ្ឋាននគបាលខេត្តសៀមរាប ក្រោមអធិបតីលោកឧត្តមសេនីយ៍ឯក ស ថេត អគ្គស្នងការរង និងជាតំណាងដ៏ខ្ពង់ខ្ពស់ លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគបាលជាតិ លោក ទៀ សីហាអភិបាលរងខេត្ត សៀមរាម លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្ត លោកស្នងការរង និង ប្រតិភូអបដំណើរ និង កងកម្លាំងអន្តរាគមន៍ចំណុះស្នងការ ២០០នាក់ និងកម្លាំងប្រជា ការពារភូមិរបស់ក្រុងសៀមរាបចំនួន២០០នាក់ផងដែរ ។
លោកឧត្តមសេនីយ៍ទោ ទិត្យ ណារ៉ុង ស្នងការដ្ឋាននគបាលខេត្តសៀមរាបបានឡើងអានរបាយការស្វាគមន៍ និងរាយការណ៍សង្ខេបអំពីសកម្មភាពក្នុងការគ្រប់គ្រង់ដឹកនាំ និងចាត់ចែងប្រមូលផ្តុំរបស់កងកម្លាំងនគរបាលអន្តរគមន៍ខេត្តសៀមរាប ។
លោកឧត្តមសេនីយ៍ស្នងការបានបញ្ជាក់ថា បន្ទាប់ពីទទួលបានអនុសាសន៍បញ្ជាដឹកនាំដ៏ខ្ពង់ខ្ពស់របស់លោកនាយឧត្តមសេនីយ៍ សតិបណ្ឌិត នេត សាវឿន អង្គស្នងការនគបាលជាតិ ស្នងការដ្ឋានខេត្តសៀមរាបបានរៀបចំផែនការ សកម្មភាពកងអន្តរាគមន៍ប្រចាំការនៅតាមអធិការដ្ឋាននគរបាលក្រុងស្រុក និងខេត្តបានធ្វើការហ្វឹកហាត់ពីយុទ្ធសាស្ត្រយុទ្ធវិធីទប់ទល់និងបង្ក្រាបបាតុកម្មរួចជាស្រេច កម្លាំងអន្តរាគមន៍ចម្រុះ២០០នាក់ ដែលជ្រើសចេញពីកម្លាំងការិយាល័យជំនាញមកធ្វើការហ្វឹកហាត់ជាប្រចាំកម្លាំងអន្តរាគមន៍នេះពេលមានសភាពការណ៍កើតឡើងមានលទ្ធភាពប្រមូលផ្តុំក្នុងការចេញអន្តរាគមន៍ ដោយបានត្រៀមមធ្យោបាយដឹកជញ្ជូនកម្លាំងរថយន្ត១៥គ្រឿង និងត្រៀមរថយន្តពន្លត់អគ្គិភ័យចំនួន១៣គ្រឿងផងដែរ ។
លោក ឧត្តមឧត្តមសេនីយ៍ឯក សរ ថេត អគ្គស្នងការរងនគរបាលជាតិ បានពាំនាំនៅការផ្តាំផ្ញើសាកសួរសុខទុក្ខពីសំណាក់សម្តេចក្រឡា ហោម ស ខេង ឧបនាយករដ្ឋមន្រី្តរដ្ឋមន្រី្តក្រសួងមហាផ្ទៃ និងលោកនាយឧត្តមសេនីយ៍ អគ្គស្នងការ នគរបាលជាតិ ដល់កងកម្លាំងនគរបាលទាំងអស់ដែលមានមុខនាពេលនេះ លោកក៏បានសម្តែងនៅការកោតសរសើរផងដែរ ចំពោះថ្នាក់ដឹកនាំស្នងការនគរបាលខេត្ត និងកងកម្លាំងទាំងអស់ដែលបានខិតខំប្រឹងប្រែងបំពេញនូវតួនាទី និងភារកិច្ចបានយ៉ាងល្អប្រសើរ ហើយការហ្វឹកហាត់នេះ ធ្វើឲ្យកងកម្លាំងយើងស្ទាត់ជំនាញ និងស្វាហាប់មិនស្ពឹកស្រពន់ផងដែរ ។
លោកបានមានប្រសាសន៍បន្តទៀតថា ដើម្បីអនុវត្តតាមការណែនាំរបស់ក្រសួងមហាផ្ទៃក៏ដូចអគ្គស្នងការនគរបាលជាតិសូមឲ្យកងកម្លាំងយើងទាំងអស់ត្រូវបន្តខិតខំប្រឹងប្រែងទៅតាមតួនាទី និងភារកិច្ចរបស់ខ្លួនក្នុងការងារសន្តិសុខសុវត្ថិភាពសណ្ដាប់ធ្នាប់សង្គមជូនប្រជាពលរដ្ឋទូទាំងខេត្តឲ្យបានកាន់តែល្អប្រសើរ ត្រូវទប់ស្កាត់ និងបង្រា្កបរាល់បទល្មើសគ្រប់ប្រភេទ។ ពិសេសភារកិច្ចរបស់កងកម្លាំងនគរបាលយើងចំពោះមុខនេះ គឺកិច្ចការពារថែរក្សាសន្តិសុខសុវត្ថិភាព និងសណ្ដាប់ធ្នាប់សាធារណៈសម្រាប់កិច្ចដំណើរការឃោសនាបោះឆ្នោត និងការបោះឆ្នោតជ្រើសតាំងតំណាងរាស្ត្រនីតិកាលទី៦ ដែលនឹងប្រព្រឹត្តទៅនៅថ្ងៃអាទិត្យទី២៩ ខែកក្កដា ឆ្នាំ២០១៨ខាងមុខ ។
សូមឲ្យមន្ត្រីនគរបាលទាំងអស់ត្រូវប្រមូលផ្តុំកម្លាំងក្នុងកិច្ចប្រតិបត្តិការណ៍ត្រួតពិនិត្យសភាពការណ៍ និងត្រៀមចេញអន្តរាគមន៍នូវរាស់ហេតុការដែលកើតឡើងក្នុងករណីមានការអុកឡុកការគំរាមកំហែងអំពើហិង្សាល្មើសច្បាប់ផ្សេងៗដែលនាំឲ្យរាំងស្ទះដល់ដំណើរការនៃការបោះឆ្នោតនាពេលខាងមុខឲ្យមានប្រសិទ្ធភាព៕
ចែករំលែកព័តមាននេះ