ខេត្តបាត់ដំបង ៖ បើតាមសេចក្តីរាយការណ៍បឋមបានឱ្យដឹងថា យុវជនម្នាក់ត្រូវបានឃាត់ខ្លួន កាលពីរសៀលថ្ងៃទី១៤ ខែកក្កដា ឆ្នាំ២០១៨ បន្ទាប់ពីស្ត្រីម្នាក់ប្ដឹងចោទប្រកាន់ថា បានបង្ខំរួមភេទជាមួយក្មេងស្រីអនីតិជនដែលមានអាយុក្រោម១៥ឆ្នាំ ស្ថិតនៅស្រុកសំពៅលូន។…
ខេត្តបាត់ដំបង ៖ បើតាមសេចក្តីរាយការណ៍បឋមបានឱ្យដឹងថា យុវជនម្នាក់ត្រូវបានឃាត់ខ្លួន កាលពីរសៀលថ្ងៃទី១៤ ខែកក្កដា ឆ្នាំ២០១៨ បន្ទាប់ពីស្ត្រីម្នាក់ប្ដឹងចោទប្រកាន់ថា បានបង្ខំរួមភេទជាមួយក្មេងស្រីអនីតិជនដែលមានអាយុក្រោម១៥ឆ្នាំ ស្ថិតនៅស្រុកសំពៅលូន។
បើតាមសមត្ថកិច្ចបានឲ្យដឹងថា ជនសង្ស័យខាងលើឈ្មោះ អេន ចិន អាយុ២១ឆ្នាំ រស់នៅភូមិត្រពាំងព្រលិត ឃុំសន្តិភាព ស្រុកសំពៅលូន រីឯក្មេងស្រីរងគ្រោះអាយុ១៤ឆ្នាំ។
សមត្ថកិច្ចឱ្យដឹងទៀតថា ជនសង្ស័យត្រូវបានកម្លាំងអធិការស្រុកសំពៅលូន ឃាត់ខ្លួនក្រោយពីស្ត្រីម្នាក់ដែលត្រូវជាម្តាយក្មេងស្រីនោះ បានប្ដឹងសមត្ថកិច្ចឲ្យជួយអន្តរាគមន៍ ដោយចោទប្រកាន់យុវជននេះថា បានល្បូងកូនស្រីគាត់យកទៅរំលោភបំពានផ្លូវភេទជាច្រើនលើកច្រើនសារ ហើយទើបតែបែកធ្លាយរឿងអាស្រូវនៅពេលនេះ។
បើតាមសម្រង់សំដីបឋមរបស់សមត្ថកិច្ចឲ្យដឹងថា ជនសង្ស័យខាងលើធ្លាប់បានលួងលោមនាងយកទៅបង្ខំរួមភេទយ៉ាងតិច៣លើកកាលពីអំឡុងខែមិថុនា កន្លងទៅ។ ក្រោយពេលបែកធ្លាយនូវរឿងអាស្រូវនេះ ទើបម្ដាយក្មេងស្រីនោះមកដាក់បណ្ដឹង ហើយប៉ុន្មាននាទីក្រោយទើបកម្លាំងជំនាញស្រាវជ្រាវឃាត់ខ្លួនជនសង្ស័យតែម្ដង។
ក្រោយពេលឃាត់ខ្លួន ខណៈពេលនេះមន្ត្រីជំនាញកំពុងសាកសួរជនសង្ស័យជាបឋម ដើម្បីរៀបចំសំណុំរឿងបញ្ជូនបន្តទៅកាន់ស្នងការដ្ឋានខេត្ត៕
ចែករំលែកព័តមាននេះ