បើបុគ្គលយល់ច្បាស់ថា រូបកាយយើងនេះពោរពេញទៅរបស់បដិកូល ជាវត្ថុគួរខ្ពើមរអើមនោះ ចិត្តនឹងមិនបានជាប់ជំពាក់នឹងកាយសម្អុយនេះទេ។ តែមិនដូច្នោះឡើយមានមនុស្សច្រើនណាស់ដែលនៅជាប់ស្អិតនឹងរូបកាយ រហូតអ្នកខ្លះកើតទុក្ខ ទោមនស្ស តូចចិត្តនឹងខ្លួនមានសម្បុរអាក្រក់ មានកម្លាំងខ្សោយ រូបកាយកាន់តែទ្រុតទ្រោម មានអវយវៈញ័រទទ្រើត ធ្មេញក៏បាក់ ភ្នែកក៏មើលមិនច្បាស់ រីឯត្រចៀកក៏ស្តាប់មិនសូវឮ…។ ខាងក្រោមនេះមាតិកាធម៌៧យ៉ាងដែលបុគ្គលជំពូកខ្លះនៅតែកើតទុក្ខឥតល្ហែៈ
១-ទុព្វណ្ណោ មានសម្បុរអាក្រក់ ស្បែកមិនភ្លឺថ្លា
២-ទុព្វលោ មានកម្លាំងថមថយ ខ្សោយទៅៗ
៣-ជិណ្ណកាយោ មានរាងកាយចាស់ទ្រុតទ្រោម
៤-កាប្បិតសរីរោ មានសរីរាវយវៈញញាក់ញញ័រ
៥-ឆិន្នទន្តោ មានធ្មេញបាក់ ពុកផុយ
៦-ជរចក្ខុ មានភ្នែកស្រវាំង ឬងងឹត មើលមិនច្បាស់
៧-ជរសោតោ មានត្រចៀកជរាគឺស្តាប់មិនច្បាស់ ឬថ្លង់ ។
បុគ្គលណានៅជាប់ជំពាក់នឹងមាតិកាធម៌ទាំង៧ប្រការនេះ សេចក្តីទុក្ខនឹងកើតមានដូចស្រមោលតាមជាប់នឹងប្រាណ គួរចម្រើនអសុភកម្មដ្ឋាន ដើម្បីឱ្យដឹងច្បាស់ពីកាយសម្អុយនេះ ។
ចែករំលែកព័តមាននេះ