ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា ស្ត្រីម្នាក់ស្លាប់លើផ្ទះរបស់ខ្លួន ក្រោយគាត់ត្រឡប់ពីផឹកស៊ីជួបជុំបងប្អូនវិញ ដែលហេតុការណ៍នេះបានបង្កឱ្យភ្ញាក់ផ្អើល កាលពីវេលាម៉ោង០២ និង៣០នាទីរសៀលថ្ងៃទី១៣ កក្កដា ស្ថិតនៅចំណុចជើងភ្នំឈ្វេ ភូមិព្រះ ឃុំស្រែឈូក ស្រុកកែវសីមា ខេត្ត មណ្ឌលគិរី ។
សេចក្តីរាយការណ៍បន្តថា ស្ត្រីរងគ្រោះដែលស្លាប់ឈ្មោះហុន ឡៃ អាយុ៣៥ឆ្នាំ មានស្រុកកំណើតនៅភូមិ ឃ្សឹម ឃុំឃ្សឹម ស្រុកស្នួល ខេត្តក្រចេះ មានប្តីឈ្មោះសាត ប្រុស អាយុ៣៩ឆ្នាំ និងមានកូន៦នាក់ក្នុងបន្ទុក។
បើតាមសមត្ថកិច្ចជំនាញឱ្យដឹងទៀតថា ការស្លាប់របស់ស្ត្រីរងគ្រោះ គឺអាចបណ្តាលមកពីកើតខ្យល់.គរ ដោយនៅថ្ងៃទី១២ កក្កដា ស្ត្រីរងគ្រោះបានទៅផឹកស្រាជួបជុំបងប្អូននៅឃុំថ្មី ស្រុកចិត្របូរី ខេត្តក្រចេះ ។ ហើយពេលត្រឡប់មកដល់ផ្ទះវិញ គាត់ពុំបានហូបបាយទេ (តែឃើញមានស្លាកស្នាមកោសខ្យល់) ។ លុះនៅវេលាកើតហេតុ ក៏ត្រូវបានប្រទះឃើញគាត់ដេកស្លាប់តែម្តង ។
ចែករំលែកព័តមាននេះ