ខេត្តបន្ទាយមានជ័យ ៖ បុរសម្នាក់ត្រូវបានគេប្រទះឃើញដេកស្លាប់ក្នុងបន្ទប់ទឹកជួលមួយកន្លែងជិតរង្វង់មូលច្រកទ្វារអន្តរជាតិប៉ោយប៉ែតក្នុងភូមិ-សង្កាត់ប៉ោយប៉ែតនៅរសៀលថ្ងៃទី14 ខែកក្កដា ឆ្នាំ2018 នេះ ។

តាមស្ត្រីម្ចាស់បន្ទប់ជួលឈ្មោះ អ៊ឹម ស៊ុនអេង អាយុ75ឆ្នាំប្រាប់សមត្ថកិច្ចថា បន្ទប់ទឹករបស់គាត់​ជួល​ឲ្យអ្នកស្រុកឬអ្នកដំណើបត់ជើងធំតូចម្តង500រៀលសម្រាប់អ្នកងូតទឹកម្តង1000រៀលដោយ​ឡែកជនរងគ្រោះបានចូលបន្ទប់ទឹក (លេខ៣) យូរពេកមិនឃើញចេញ គាត់ក៏នាំគ្នាគោះទ្វារតែគ្មានអ្នកឆ្លើយតបទើបរាយការណ៌ជូនសមត្ថកិច្ចឲ្យចុះពិនិត្យមើល ។

យ៉ាងណាក៏ដោយមកទល់ពេលនេះជនរងគ្រោះមិនទាន់ត្រូវបានគេស្គាល់អត្តសញ្ញាណនៅ​ឡើយទេ ដោយសមត្ថកិច្ចហុំព័ទ្ធទៅដោយខ្សែសុវត្ថិភាពដើម្បីរងចាំគ្រូពេទ្យជំនាញត្រួតពិនិត្យនិងធ្វើកោសល្យវិច្ច័យ ៕