ខេត្តកំពង់ចាម ៖ មានហេតុការណ៏ភ្ញាក់ផ្អើលមួយបានកើតឡើងដោយគេបានឃើញបុរសម្នាក់ត្រូវបានគេប្រទះឃើញហែលកណ្តាលទន្លេមេគង្គ នៅវេលាម៉ោងជាង១០ព្រឹក ថ្ងៃទី១៤ ខែកក្កដា ឆ្នាំ២០១៨ ត្រង់មុខខណ្ឌរដ្ឋបាលជលផលខេត្ត ។ ហើយក៏ចេះតែរសាត់អណ្តែតឆ្លងកាត់ក្រោមស្ពានគីហ្ស៊ុណាចុះទៅតាមខ្សែទឹកហូរ…
ខេត្តកំពង់ចាម ៖ មានហេតុការណ៏ភ្ញាក់ផ្អើលមួយបានកើតឡើងដោយគេបានឃើញបុរសម្នាក់ត្រូវបានគេប្រទះឃើញហែលកណ្តាលទន្លេមេគង្គ នៅវេលាម៉ោងជាង១០ព្រឹក ថ្ងៃទី១៤ ខែកក្កដា ឆ្នាំ២០១៨ ត្រង់មុខខណ្ឌរដ្ឋបាលជលផលខេត្ត ។ ហើយក៏ចេះតែរសាត់អណ្តែតឆ្លងកាត់ក្រោមស្ពានគីហ្ស៊ុណាចុះទៅតាមខ្សែទឹកហូរ នៅទីបំផុតត្រូវបានកម្លាំងសមត្ថកិច្ចតាមជួយសង្គ្រោះ និងបាននាំទៅកាន់ប៉ុស្តិ៍រដ្ឋបាលវាលវង់ ក្រុងកំពង់ចាម សួរនាំ ។
លោកវរសេនីយ៏ត្រី អ៊ឹង ប៊ុន អធិការនគរបាលក្រុងកំពង់ចាមប្រាប់ឲ្យដឹងថា បុរសដែលកម្លាំងសមត្ថកិច្ចសង្គ្រោះបាននោះឈ្មោះ ហេន ម៉ៅ អាយុ៤០ឆ្នាំ នៅភូមិរអាង ឃុំរអាង ស្រុកកំពង់សៀម ដោយតាមសង្គ្រោះដល់ឃុំកោះមិត្តមានចំងាយប្រមាណ៦ទៅ៧គីឡូម៉ែត្រពីត្រង់ចំណុចដើមទីនៅភូមិថ្មគោល ។
អធិការនគរបាលក្រុងកំពង់ចាមប្រាប់បន្តថា ក្រោយពីបានដឹងថា មានមនុស្សនៅកណ្តាលទន្លេមេគង្គលោកអភិបាលខេត្តក៏ដូចជាស្នងការនគរបាលខេត្តបានចាត់ឲ្យរូបលោកដឹកនាំកម្លាំងចេញទៅជួយអន្តរាគមន៏បុរសនោះ ។ ស្របពេលដែលបុរសខាងលើបានហែលទឹកតោងដើមឫស្សី២ដើមបណ្តែតឆ្លងផុតពីក្រោមស្ពានគីហ្ស៊ុណាក៏មានទូកម៉ាស៊ីន១គ្រឿងបានចេញទៅតាមជួយសង្គ្រោះ តែបុរសនោះមិនព្រមតោងឡើងកាណូតភ្លាមៗនោះទេទោះជាបែបណាក្តីសមត្ថកិច្ចជាច្រើននាក់បានសហការគ្នាក្នុងនោះមាននគរបាលក្រុងកំពង់ចាម នគរបាលប៉ុស្តិ៍វាលវង និងនគរបាលចរាចរណ៏ផ្លូវទឹកខេត្ត តាមនាំគ្នាតាមមើលរហូតដល់ពេលដែលបុរសឈ្មោះ ម៉ៅ ឡើងមកច្រាំងទន្លេនៅក្នុងឃុំកោះមិត្តស្រុកកំពង់សៀម ក៏បានហៅឲ្យជិះរថយន្តដឹកមកកាន់ប៉ុស្តិ៍រដ្ឋបាលវាលវង់ដើម្បីសួរនាំរកមូលហេតុ ។
លោកវរសេនីយ៏ត្រី អ៊ឹង ប៊ុន អធិការនគរបាលក្រុងកំពង់ចាមបញ្ជាក់ថា នូវពេលដែលបានឃើញមុខបុរសនេះក៏ដឹងថា ឲ្យតែនូវរដូវទឹកទន្លេមេគង្គបានឡើងមកគាត់តែងតែហែលបណ្តែតខ្លួនពីត្រង់ភូមិថ្មគោលចុះតាមខ្សែទឹកហូរមកដល់មុខក្រុងកំពង់ចាម មានជាបន្តបន្ទាប់សរុបរួមទាំងលើកក្រោយនេះចំនួន៥លើកមកហើយ ។ បុរសកំសត់នេះមានបងប្អូនចំនួន៣នាក់ ហើយគាត់ជាកូនទី២ អត់មានប្រពន្ធ និងមិនមានឪពុកនោះទេដោយគាត់ថែមទាំងមានជំងឺសរសៃប្រសាទ ។
ការហែលទឹកនេះដោយចាប់ផ្តើមតាំងពីម៉ោង៩ព្រឹករហូតដល់ដល់វេលាម៉ោង១១និង១០នាទីព្រឹក ពេលដែលបណ្តែតដល់កោះមិត្តទើបដល់ចុងទី ដោយមានក្តីអាណិតលោក គួច ចំរើន អភិបាលខេត្ត ក៏បានផ្តល់សម្លៀកបំពាក់ថ្មីស្រឡាង១ជូនបុរសនេះហើយសមត្ថកិច្ចបានណែនាំឲ្យបុរសនេះឈប់ធ្វើសកម្មភាពបែបនេះបន្តទៀត ។ នាព្រឹកថ្ងៃទី១៤ កក្កដា ក៏បានហៅឲ្យកម្លាំងប៉ុស្តិ៍រដ្ឋបាលឃុំរអាងមកទទួលយកបុរសនេះត្រឡប់ទៅមូលដ្ឋានវិញផងដែរ ៕
ចែករំលែកព័តមាននេះ