ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា មេខ្លោងជួញដូរគ្រឿងញៀនម្នាក់ និងគូកន២នាក់ទៀតត្រូវកម្លាំងនគរបាលក្រុងបាត់ដំបង ឃាត់ខ្លួននៅចំណុចក្នុងស្ថានីយរថភ្លេីង កាលពីវេលាម៉ោង១១ និង៤០នាទីថ្ងៃទី១៣ កក្កដា ស្ថិតក្នុងភូមិទួលតាឯក សង្កាត់ទួលតាឯក ក្រុងបាត់ដំបង។
ប្រភពដដែលឱ្យដឹងថា កម្លាំងជំនាញបានចុះបង្ក្រាប ខណ:ដែលក្រុមជនសង្ស័យកំពុងប្រព្រឹត្តបទល្មេីសជាក់ស្តែង ថែមទាំងរឹបអូសបាននូវវត្ថុតាងមួយចំនួនទៀតផង។ ជនសង្ស័យទាំង ៣នាក់ ១-ឈ្មោះដិប សុវណ្ណារ៉ា ហៅកីឡា អាយុ៣៥ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង (ជាមេក្លោងជួញដូរថ្នាំញៀន) ២-ឈ្មោះជួន ប៊ុនធឿន ហៅតិប អាយុ២៩ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង (អ្នកប្រេីប្រាស់) និង៣-ឈ្មោះ ឡុង ភិរម្យ អាយុ២៨ឆ្នាំ នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង (អ្នកប្រេីប្រាស់)។
បើតាមរបាយការណ៍បឋមរបស់សមត្ថកិច្ចដដែលបានឱ្យដឹងថា ជាមួយនឹងការឃាត់ខ្លួននេះ មន្ត្រីជំនាញបានឆែកឆេរកឃើញ និងដកហូតបានវត្ថុតាងមានម្សៅក្រាមពណ៌.សថ្លា ច្រកក្នុងកូនថង់ប្លាស្ទិកថ្លា ដែលសង្ស័យមានសារធាតុញៀនចំនួន១៣ថង់ ( ថង់ធំ០២, កូនថង់១១កូនថង់) និងសម្ភារសំរាប់វិចខ្ចប់ ដើម្បីចែកចាយ និងសំរាប់ប្រេីប្រាស់ថ្នាំញៀនមួយចំនួនទៀត។
បើតាមសមត្ថកិច្ចបានប្រាប់ថា ជនសង្ស័យទាំង៣នាក់ បានសារភាពទទូលខុសត្រូវចំពោះវត្តុតាងទាំងនេះហើយ។ ពេលនេះមន្ត្រីជំនាញកំពុងសួរនាំ ដើម្បីកសាងសំណុំរឿងបញ្ជូនទៅតុលាការហើយ ។
ចែករំលែកព័តមាននេះ