ខេត្តព្រៃវែង ៖ សេចក្តីរាយការណ៍បឋមឱ្យដឹងថា ជាងធ្វើផ្ទះម្នាក់ ត្រូវចរន្តភ្លើងអគ្គិសនីឆក់រហូតសន្លប់ខណៈពេលកំពុងផ្សាដំបូលផ្ទះឱ្យគេ កើតឡើងកាលពីវេលាម៉ោង៧ និង៥៧នាទីព្រឹក នៅចំណុចផ្ទះរបស់ឈ្មោះវរ័ ចំរើន ភេទប្រុស អាយុ៥៧ឆ្នាំ ស្ថិតនៅក្នុងភូមិព្រៃកណ្តៀង ឃុំព្រៃកណ្តៀង ស្រុកពាមរក៍ ខេត្ត
ព្រៃវែង។ ជនរងគ្រោះឈ្មោះ ម៉ាក់ ឌី ភេទប្រុស អាយុ៣៦ឆ្នាំ មានទីលំនៅក្នុងភូមិកើតហេតុ ។
ប្រភពពពីសមត្ថកិច្ចថា នៅពេលកើតហេតុ ជនរងគ្រោះកំពុងផ្សាដំបូលផ្ទះ ហើយពេលគាត់លើកដែកឡើងទៅលើ ដើម្បីផ្សារដំបូលផ្ទះ ដោយមិនបានប្រុងប្រយ័ត្ន ធ្វើឱ្យចុងដែកបានទៅប៉ះខ្សែរភ្លើងស្រាត ដែលរាយនៅតាមបង្គោលភ្លើងខាងមុខផ្ទះ ទើបធ្វើឱ្យឆ្លងចរន្តភ្លើងឆក់រហូតដួលសន្លប់នៅហ្នឹងដី ហើយភ្លាមៗនោះក៏ត្រូវបានម្ចាស់ផ្ទះ ដឹកយកទៅកាន់មន្ទីរពេទ្យខេត្តព្រៃវែង អោយក្រុមគ្រូពេទ្យជួយសង្គ្រោះភ្លាមៗ។
ករណីនេះ គឺចាត់ទុកថា សំណាងណាស់ដោយពេលឆក់ភ្លាម ជនរងគ្រោះបានរបូតដៃចេញពីដែកដែលប៉ះស្រូបហ្នឹងខ្សែភ្លើង ទើបកំលាំងភ្លើងបុក គ្រាន់តែធ្វើអោយសន្លប់ បើសិនមិនរបូតដៃចេញទេនោះ ច្បាស់ជាឆេះខ្លោចមិនរស់ទេ ។
ចែករំលែកព័តមាននេះ