រាជធានីភ្នំពេញ ៖ បុរសជាជនជាតិនីហ្សេរីយ៉ាម្នាក់ ត្រូវបានកម្លាំងនគរបាលប៉ុស្តិ៍ទំនប់ទឹកចាប់ឃាត់ខ្លួនបញ្ជូនទៅកាន់ការិយាល័យគ្រប់គ្រងជនបរទេសរាជធានីភ្នំពេញ ក្រោយពីរូបគេមានអាការៈបែកថ្នាំខ្លាំងឡើងហើយធ្វើការអុកឡុក និងវាយដំទៅលើបុរសជនជាតិនីហ្សេរីយ៉ាម្នាក់ទៀតដល់ផ្ទះជួលជាន់ទី១នោះ។ ហេតុការណ៍នេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី១៣ ខែកក្កដា ឆ្នាំ២០១៨…
រាជធានីភ្នំពេញ ៖ បុរសជាជនជាតិនីហ្សេរីយ៉ាម្នាក់ ត្រូវបានកម្លាំងនគរបាលប៉ុស្តិ៍ទំនប់ទឹកចាប់ឃាត់ខ្លួនបញ្ជូនទៅកាន់ការិយាល័យគ្រប់គ្រងជនបរទេសរាជធានីភ្នំពេញ ក្រោយពីរូបគេមានអាការៈបែកថ្នាំខ្លាំងឡើងហើយធ្វើការអុកឡុក និងវាយដំទៅលើបុរសជនជាតិនីហ្សេរីយ៉ាម្នាក់ទៀតដល់ផ្ទះជួលជាន់ទី១នោះ។ ហេតុការណ៍នេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី១៣ ខែកក្កដា ឆ្នាំ២០១៨ នៅចំណុចផ្ទះជួលមួយកន្លែង ផ្លូវលេខ៤៣០ ក្នុងសង្កាត់ទំនប់ទឹក ខណ្ឌចម្ការមន។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជនជាតិនីហ្សេរីយ៉ាម្នាក់ដែលត្រូវបានឃាត់ខ្លួនឈ្មោះ Oku Pacal អាយុជាង៣០ឆ្នាំ មិនដឹងថារូបគេមានមុខរបអ្វី និងស្នាក់នៅទីណានោះឡើយ។ ចំណែកឯបុរសរងគ្រោះក៏មិនទាន់បានស្គាល់អត្តសញ្ញាណដែរ គ្រាន់តែដឹងថាជាជនជាតិនីហ្សេរីយ៉ាដូចគ្នា បច្ចុប្បន្នស្នាក់នៅកន្លែងកើតហេតុខាងលើ។
មុនពេលកើតហេតុ បុរសជនជាតិនីហ្សេរីយ៉ាដែលជាជនបង្កបានឡើងទៅលើផ្ទះជួលរបស់បុរសជាជនជាតិនីហ្សេរីយ៉ាម្នាក់ដែលជាជនរងគ្រោះ (បុរសរងគ្រោះពាក់អាវយឺតព៌ណស)។ ពេលទៅដល់ក៏ស្រាប់តែធ្វើការអុកឡុក និងធ្វើសកម្មភាពវាយដំទៅលើបុរសរងគ្រោះដោយមិនដឹងមូលហេតុ។ តាមប្រភពដដែលបានប្រាប់បន្តទៀតថា ពេលនោះក៏ធ្វើឲ្យមានការភ្ញាក់ផ្អើលទៅដល់កម្លាំងសមត្ថកិច្ចមូលដ្ឋានក៏បានចុះទៅដល់កន្លែងកើតហេតុ និងធ្វើការចាប់ឃាត់ខ្លួនរូបគេតែម្តង។
ក្រោយពេលកើតហេតុ កម្លាំងសមត្ថកិច្ចក៏បានហៅពួកគេទាំងពីរនាក់មកកាន់នគរបាលប៉ុស្តិ៍ទំនប់ទឹកធ្វើការសួរនាំដើម្បីឲ្យដឹងមូលហេតុ។ ក្រោយពេលសួរនាំទើបដឹងថា បុរសជាជនជាតិនីហ្សេរីយ៉ាដែលជាជនបង្កជាមនុស្សញៀនថ្នាំ និងបែកថ្នាំខ្លាំងទើបទៅធ្វើការអុកឡុក និងវាយដំទៅលើបុរសជាជនជាតិនីហ្សេរីយ៉ាដូចគ្នាម្នាក់ទៀតបែបនេះ។
ក្រោយពីបានហៅមកធ្វើការសួរនាំហើយដឹងថាជនបង្កជាមនុស្សបែកថ្នាំ ទើបកម្លាំងនគរបាលប៉ុស្តិ៍ទំនប់ទឹកក៏បានចាប់វាយខ្នោះ និងបញ្ជូនបុរសជនជាតិនីហ្សេរីយ៉ាដែលជាជនបង្កទៅកាន់ការិយាល័យគ្រប់គ្រងជនបរទេសរាជធានីភ្នំពេញដើម្បីចាត់ការតាមនីតិវិធីជាបន្តទៅទៀត៕
ចែករំលែកព័តមាននេះ