ការសិក្សាមួយរបស់ក្រុមអ្នកវិទ្យាសាស្ត្រអាមេរិកបានបង្ហាញថា មនុស្សជិត២០ម៉ឺននាក់ទូទាំងពិភពលោក បានស្លា.ប់បាត់បង់ជីវិតក្នុងមួយឆ្នាំៗដោយសារជំងឺដែលបង្កឡើងដោយការទទួលទានភេសជ្ជៈផ្អែមៗ ។ ការសិក្សាដែលផ្អែកលើមូលដ្ឋានទិន្នន័យពីការស្រាវជ្រាវដ៏ធំមួយរបស់អង្គការ Global Burden of Disease Studyបានភ្ជាប់បណ្តាភេសជ្ជៈមានជាតិស្ករច្រើនទៅនឹងការ
ការសិក្សាមួយរបស់ក្រុមអ្នកវិទ្យាសាស្ត្រអាមេរិកបានបង្ហាញថា មនុស្សជិត២០ម៉ឺននាក់ទូទាំងពិភពលោក បានស្លាប់បាត់បង់ជីវិតក្នុងមួយឆ្នាំៗដោយសារជំងឺដែលបង្កឡើងដោយការទទួលទានភេសជ្ជៈផ្អែមៗ ។ ការសិក្សាដែលផ្អែកលើមូលដ្ឋានទិន្នន័យពីការស្រាវជ្រាវដ៏ធំមួយរបស់អង្គការ Global Burden of Disease Studyបានភ្ជាប់បណ្តាភេសជ្ជៈមានជាតិស្ករច្រើនទៅនឹងការស្លាប់ជីវិតមនុស្ស១៣៣ពាន់នាក់ពីជំងឺទឹកនោមផ្អែម ៤៤ពាន់នាក់ពីជំងឺបេះដូងនិងការស្លាប់ជីវិតមនុស្ស៦ពាន់នាក់ពីជំងឺមហារីក ។
ក្នុងចំនួនតួលេខនៃអ្នកស្លាប់ទាំងនេះ៧៨ភាគរយស្ថិតនៅក្នុងបណ្តាប្រទេសដែលមានប្រាក់ចំណូលទាបនិងមធ្យម ។បើទោះណា ទិន្នន័យខាងដើម មិនបានបង្ហាញជាភស្តុតាងជាក់ស្តែងក្តី ប៉ុន្តែ ការទទួលទានភេសជ្ជៈផ្អែមត្រូវគេដឹងថា នឹងនាំឱ្យទម្ងន់ខ្លួនកើនរហ័ស ហើយដែលបន្ទាប់មក ឱកាសកើតមានជំងឺទឹកនោមផ្អែម ជំងឺបេះដូងនិងជំងឺមហារីកផ្សេងៗក៏កើនឡើងផងដែរ ។
នៅក្នុងចំណោម៩តំបន់ក្នុងពិភពលោក ដែលក្រុមអ្នកស្រាវជ្រាវបានចុះផ្ទាល់ អាមេរិកឡាទីននិងតំបន់ការ៉ាអុីប មានចំនួនអ្នកស្លាប់ដោយជំងឺទឹកនោមផ្អែមបណ្តាលមកពីការផឹកភេសជ្ជៈមានស្ករ ខ្ពស់ជាងគេបំផុតខណៈនៅរុស្ស៊ីខាងកើតនិងភាគកណ្តាល មានចំនួនអ្នកស្លាប់ដោយជំងឺបេះដូងធំជាងគេ ។ ដោយឡែកប្រទេសជប៉ុនដែលប្រជាជនទូទៅនិយមផឹកភេសជ្ជៈផ្អែមៗតិចតួចបំផុត មានអត្រាស្លាប់ទាបជាងគេដោយក្នុងចំណោមមនុស្សពេញវ័យ១លាននាក់គឺមានតែ១០នាក់ប៉ុណ្ណោះ ។
វេជ្ជបណ្ឌិត Gitanjali Singhអ្នកដឹកនាំការស្រាវជ្រាវមកពីសាកលវិទ្យាល័យ Harvard Schoolសហរដ្ឋអាមេរិកបានថ្លែងថា៖«ការស្រាវជ្រាវនៅថ្ងៃខាងមុខ គួរតែធ្វើការវាយតម្លៃលើបរិមាណនៃការប្រើប្រាស់ភេសជ្ជៈផ្អែមៗចំពោះក្មេងៗទូទាំងពិភពលោក ហើយត្រូវតែបង្ហាញឱ្យបានច្បាស់លាស់ពីផលប៉ះពាល់លើសុខភាពទាំងបច្ចុប្បន្ននិងអនាគត »។ ពាក់ព័ន្ធនឹងភេសជ្ជៈផ្អែមនេះ ការសិក្សាមួយកាលពីខែកន្លងទៅ ក៏បានព្រមានផងដែរថា ទទួលទានភេសជ្ជៈប្រភេទនេះ១កំប៉ុងក្នុង១ថ្ងៃអាចបង្កើនគ្រោះហានិភ័យបាត់បង់ជីវិតដោយ ជំងឺទឹកនោមផ្អែមប្រភទ២ ៕
ចែករំលែកព័តមាននេះ