ការពិភាក្សានុយក្លេអ៊ែរកូរ៉េខាងជើងដើរលើផ្លូវល្អ
ប្រទេសកូរ៉េទាំងពីរ ៖ ប្រធានាធិបតីកូរ៉េខាងត្បូងលោក MOON JAE IN បានថ្លែងនាថ្ងៃទី១២ កក្កដា ថា ការពិភាក្សាលើការរំសាយនុយក្លេអ៊ែរកូរ៉េខាងជើង…
ប្រទេសកូរ៉េទាំងពីរ ៖ ប្រធានាធិបតីកូរ៉េខាងត្បូងលោក MOON JAE IN បានថ្លែងនាថ្ងៃទី១២ កក្កដា ថា ការពិភាក្សាលើការរំសាយនុយក្លេអ៊ែរកូរ៉េខាងជើង កំពុងដើរលើផ្លូវដ៏ល្អ ហើយការរិះគន់នានារបស់កូរ៉េខាងជើងប្រឆាំងក្រុងវ៉ាស៊ិនតោន ត្រួវចាត់ទុកថា ជាយុទ្ធសាស្ត្រចរចាមួយ។
កាលពីថ្ងៃទី៧ កក្កដា កូរ៉េខាងជើងបានចោទអាមេរិកថា បង្ហាញការទាមទារទាំងឡាយរបៀបអ្នកលេង ក្រោយការចរចា១ថ្ងៃកន្លះជាមួយពួកអាមេរិកនៅក្រុងព្យុងយ៉ាង ដែលផ្ទុយពីការអះអាងរបស់រដ្ឋមន្ត្រីការបរទេសអាមេរិកលោក MIKE POMPEO ដែលសរសើរពីការរីកចម្រើននានាសម្រេចបានក្នុងឱកាសនៃការចរចាគ្នានោះ។
លោក MOON JAE IN ដែលអះអាងបែបនេះក្នុងឱកាសនៃទស្សនកិច្ចរបស់លោកកាលពីថ្ងៃទី១២ កក្កដា នៅសិង្ហបុរី បានទទួលស្គាល់ថា ការចរចារវាងកូរ៉េខាងជើង និងសហរដ្ឋអាមេរិកពុំងាយស្រួលឡើយ និងថា គេត្រូវការពេលវេលា ដើម្បីឲ្យការចរចាអាចសម្រេចបានជោគជ័យ។
លោកបន្តថា គ្មានមនុស្សណាម្នាក់មានសុទិដ្ឋិនិយមខ្លាំងជ្រុល លើលទ្ធផលនានាឡើយ ប៉ុន្តែតាមទស្សនៈរបស់ខ្ញុំ ការចរចានោះនឹងទទួលជោគជ័យ ប្រសិនបើកូរ៉េខាងជើងរំសាយនុយក្លេអ៊ែរទាំងស្រុង និងប្រសិនបើសហគមន៍អន្តរជាតិផ្ដល់ដល់ប្រទេសនោះនូវការធានាទាំងឡាយដល់សន្តិសុខរបស់គេ។ តាមលោកយល់ការចរចាកំពុងដើរលើផ្លូវដ៏ល្អ៕
ចែករំលែកព័តមាននេះ