រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនជាតិចិនម្នាក់ ដោយសារធ្លាប់បើករថយន្តដឹកនារីខ្មែរម្នាក់ជាអ្នកធ្វើការជាមួយគ្នាចូលទៅសណ្ឋាគារដើម្បីរួមរ័ក ប៉ុន្តែត្រូវនាងមិនព្រម ហើយនាងយករឿងនេះទៅប្រាប់ថៅកែ ក៏ត្រូវថៅកែដកបញ្ឈរជើងពីការងារ ក៏បានធ្វើឱ្យរូបគេផ្ទុះកំហឹងខ្លាំង នាំបក្សពួក២នាក់…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនជាតិចិនម្នាក់ ដោយសារធ្លាប់បើករថយន្តដឹកនារីខ្មែរម្នាក់ជាអ្នកធ្វើការជាមួយគ្នាចូលទៅសណ្ឋាគារដើម្បីរួមរ័ក ប៉ុន្តែត្រូវនាងមិនព្រម ហើយនាងយករឿងនេះទៅប្រាប់ថៅកែ ក៏ត្រូវថៅកែដកបញ្ឈរជើងពីការងារ ក៏បានធ្វើឱ្យរូបគេផ្ទុះកំហឹងខ្លាំង នាំបក្សពួក២នាក់ ជិះរថយន្ត១គ្រឿងស្ទាក់វាយនាងរងរបួសធ្ងន់ និងប៉ុនប៉ងសម្លាប់រូបនាង ហើយថែមទាំងវាយកម្ទេចរថយន្តរបស់នាងរងការខូចខាតយ៉ាងដំណំទៀត ។
បន្ទាប់មក ក្រុមជនដៃដល់ចិនទាំង៣នាក់នាំគ្នាបើករថយន្តគេចខ្លួន ក៏ត្រូវបានកម្លាំងនគរបាលខណ្ឌពោធិ៍សែនជ័យចាប់ឃាត់ខ្លួនបាន បង្កឱ្យមានការភ្ញាក់ផ្អើលឡើង កាលពីវេលាម៉ោង១២ និង២០នាទីថ្ងៃត្រង់ថ្ងៃទី១៣ កក្កដា នេះ ស្ថិតនៅក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា នារីរងគ្រោះខាងលើ មានអាយុ២៦ឆ្នាំ ជាបុគ្គលិករោងចក្រផលិតស្បែកជើង មានទីលំនៅក្នុងរាជធានីភ្នំពេញ ។ ដោយឡែក ជនជាតិចិនម្នាក់នោះឈ្មោះ ចូ ហ្វីលីព អាយុ៤២ឆ្នាំ និងបក្សពួក២នាក់ទៀត មិនទាន់ត្រូវបានស្គាល់ឈ្មោះនៅឡើយ ។
បើតាមនគរបាលឱ្យដឹងថា ជនជាតិចិនម្នាក់នេះ បានតាមស្រឡាញ់នារីរងគ្រោះ ដែលជាអ្នកធ្វើការរោងចក្រផលិតស្បែកជើងជាមួយគ្នា ។ ហើយបានលួងលោមនាងទៅដេករួមរ័ក ប៉ុន្តែនាងបានបដិសេធមិនព្រមទៅជាមួយឡើយ ។ មិនតែប៉ុណ្ណោះ ខណៈពេលជិះរថយន្តដើរមើលការងារជាមួយគ្នា ជនសង្ស័យបានដឹកនាងចូលទៅក្នុងសណ្ឋាគារមួយ ក្នុងបំណងចាប់បង្ខំរួមរ័ក ប៉ុន្តែនាងមិនបានយល់ព្រមឡើយ ហើយដោយសារអត់ទ្រាំនឹងការបង្ខំដដែលៗមិនបាន នាងបានប្ដឹងទៅថៅកែរោងចក្រឱ្យជួយ ។
បន្ទាប់មក ថៅកែក៏បានហៅជននេះទៅធ្វើការស្ដីបន្ទោស ព្រមទាំងបញ្ឈប់បុរសនេះ ចេញពីការងារថែមទៀត ។ ដែលជាហេតុធ្វើឱ្យគេខឹងនាងខ្លាំង ទើបកើតឡើងរឿងហិង្សានេះតែម្តង ។
ចែករំលែកព័តមាននេះ