រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ជនជាតិបរទេសម្នាក់សង្ស័យខឹងក្មេងស្រីអាយុ៧ឆ្នាំ ដែលលេងឆ្កែរបស់ខ្លួន ស្រាប់តែស្ទុះទៅចាប់ក្មេងស្រីនោះបំរុងបោះចូលច្រាំងទន្លេ ថែមទាំងវាយម្តាយក្មេងស្រីនោះទៀត ហេតុការណ៍នេះបង្កឱ្យមានការផ្អើលកាលពីម៉ោង១២និង៣០នាទីរំលងអធ្រាត្រឈានចូលថ្ងៃទី១៣ ខែកក្កដា ឆ្នាំ២០១៨ តាមបណ្តោយផ្លូវព្រះស៊ីសុវត្ថិ នៅចំណុចមាត់ទន្លេ ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ ។
បើតាមសាក្សីដែលគេឃើញហេតុការណ៍បានឱ្យដឹងថា មុនពេលកើតហេតុជនរងគ្រោះបាននាំកូនស្រីអាយុ៧ឆ្នាំទៅលេងនៅមាត់ទន្លេ ហើយបានទិញស្រាបៀរផឹកអស់មួយកំប៉ុង ស្រាប់តែមានជនជាតិបរទេសម្នាក់មិនស្គាល់អត្តសញ្ញាណដឹកឆ្កែមកជាមួយ រួចក៏សុំអង្គុយក្បែរជាមួយជនរងគ្រោះ ។ ភ្លាមៗនោះដែរ កូនស្រីរបស់ជនរងគ្រោះអាយុ៧ឆ្នាំនោះឃើញឆ្កែក៏ទៅលេងឆ្កែ ធ្វើឲ្យជនជាតិបរទេសនោះឃើញខឹង ស្រាប់តែស្ទុះទៅចាប់កូនស្រីជនរងគ្រោះបំរុងបោះចូលច្រាំងទន្លេ និងវ៉ៃម្តាយកូនស្រីនោះទៀត ទើបបង្កឱ្យមានការផ្អើលពេញមាត់ទន្លេតែម្តង ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលផ្សារកណ្តាល១ ដើម្បីឱ្យសមត្ថកិច្ចចាត់ការទៅតាមនីតិវិធីច្បាប់ ៕
ចែករំលែកព័តមាននេះ