សារព័ត៌មានបរទេសផ្សាយកាលពីពេល ថ្មីៗកន្លងមកថានាងស៊ូគី (Shu Qi) តារាចម្រៀងនិងតារាភាពយន្តជនជាតិតៃវ៉ាន់បានចំណាយប្រាក់ចំនួន១២៧លានដុល្លារហុងកុង ឬប្រហែល១៦លានដុល្លារទិញខុនដូមួយនៅខណ្ឌ Mid-Levels West ឬហៅថាភូមិគ្រឹះដ៏ស្រស់ស្អាត និងមានតម្លៃខ្ពស់នៅលើពិភពលោក ។
នាងស៊ូគីបានផ្លាស់ចេញពីតៃវ៉ាន់ជាស្រុកកំណើតទៅរស់នៅហុងកុង តាំងពីអាយុ១៧ឆ្នាំធ្វើជាតារាបង្ហាញម៉ូដ និងបានចូលប្រឡូកនៅក្នុងមជ្ឈដ្ឋានភាពយន្ត ។ បច្ចុប្បន្ននាងជាតារាសម្តែងដ៏ល្បីមួយរូបនៅក្នុងមជ្ឈដ្ឋានសិល្បៈសម្តែងរបស់ចិន ។ នាងជាតារាមួយរូបមានតម្លៃខ្លួនខ្ពស់នៅក្នុងពិភពនៃតារាសម្តែង ។ នាងធ្លាប់ទទួលបានពានរង្វាន់ច្រើន រួមទាំងមានទាំងពានរង្វាន់សេះមាសកាលពីឆ្នាំ២០០៥ពីភាពយន្តរឿង«Three Times » ។
ចំពោះប្លង់ផ្ទះបានបញ្ជាក់ពីឈ្មោះរបស់អ្នកទិញគឺនាងលីន លីហ៊ុយ ជាឈ្មោះពិតរបស់នាងស៊ូគី ។ នាងបានចំណាយប្រាក់ចំនួន១២៧លានដុល្លារហុងកុង ទិញខុនដូមួយនៅក្នុងអគារ«yoo 18 Bonham» កាលពីខែមិថុនាកន្លងមក ។ ក្រុមហ៊ុនអចលនទ្រព្យ«Centaline Property Agency» បានបញ្ជាក់ថានាងស៊ូគីគឺជាម្ចាស់ខុនដូនេះពិតប្រាកដមែន ៕
ចែករំលែកព័តមាននេះ