រាជធានីភ្នំពេញ ៖ ជនជាតិវៀតណាមប្រុសស្រីចំនួន១១នាក់ ត្រូវបានកម្លាំងនគរបាល នៃនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ សហការជាមួយនគរបាលអន្តោប្រវេសន៍រាជធានីភ្នំពេញ ធ្វើការឃាត់ខ្លួនភ្លាមៗ ក្រោយត្រួតពិនិត្យរកឃើញថា…
រាជធានីភ្នំពេញ ៖ ជនជាតិវៀតណាមប្រុសស្រីចំនួន១១នាក់ ត្រូវបានកម្លាំងនគរបាល នៃនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ សហការជាមួយនគរបាលអន្តោប្រវេសន៍រាជធានីភ្នំពេញ ធ្វើការឃាត់ខ្លួនភ្លាមៗ ក្រោយត្រួតពិនិត្យរកឃើញថា ជនទាំង៦នាក់ ពុំមានលិខិតឆ្លងដែន និងឯកសារពាក់ព័ន្ធត្រឹមត្រូវ។
ការឃាត់ខ្លួនធ្វើឡើងនៅក្នុងហាងកោសជប់ជាច្រើនកន្លែងស្ថិតតាមបណ្តោយផ្លូវ៣៧១ ក្នុងភូមិព្រែកតានូ និងភូមិក្បាលទំនប់ ក្នុងសង្កាត់បឹងទំពុនទី២ និងសង្កាត់ចាក់អង្រែលើ ខណ្ឌមានជ័យ នាវេលាល្ងាចថ្ងៃទី១២ ខែកក្កដា ឆ្នាំ២០១៨។ ដោយមានការសម្របសម្រួលពីព្រះរាជអាជ្ញាររង អមសាលាដំបូងរាជធានីភ្នំពេញ លោក សៀង សុខ ផងដែរ។
ជាលទ្ធផល កម្លាំងនគរបាលបាន ត្រួតពិនិត្យ លើជនជាតិវៀតណាមជាច្រើននាក់ ប៉ុន្តែក្នុងនោះរកឃើញតែ១១នាក់ ប៉ុណ្ណោះ ដែលជាជនជាតិវៀតណាម មានប្រុសម្នាក់ ដែលពុំមានលិខិតឆ្លងដែន និងសៀវភៅអនុញ្ញាតការងារ ត្រឹមត្រូវតាមផ្លូវច្បាប់ ដូច្នេះហើយពួកគេត្រូវឃាត់ខ្លួនភ្លាមៗ បញ្ចូនទៅកាន់អគ្គនាយកដ្ឋានអន្តោប្រវេសន៍ ដើម្បីបន្តនីតិវិធី។
គួរបញ្ជាក់ថា កាលពីពេលកន្លងទៅ ឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ ឲ្យដឹងថា ចំពោះជនបរទេសណាដែលចូលមករស់នៅ និងធ្វើការដោយខុសច្បាប់នៅក្នុងប្រទេសកម្ពុជា ដោយពុំមានភ្ជាប់មកជាមួយលិខិតឆ្លងដែន ឬឯកសារពាក់ព័ន្ធអ្វីទាំងអស់នោះ ពួកគេនឹងត្រូវឃាត់ខ្លួន ភ្លាមៗ បញ្ចូនទៅកាន់អគ្គនាយកដ្ឋានអន្តោប្រវេសន៍ ដើម្បីកសាងសំណុំបែបបទស្នើទៅក្រសួងមហាផ្ទៃ សុំធ្វើការបណ្តេញចេញពីកម្ពុជាទៅកាន់ប្រទេសដើមខ្លួនវិញ នៅពេលខាងមុខ៕
ចែករំលែកព័តមាននេះ