រាជធានីភ្នំពេញ ៖ យុវជនម្នាក់បានរងរបួសបាក់ជើង ហើយត្រូវបានគេបញ្ជូនទៅកាន់មន្ទីរពេទ្យដើម្បី សង្គ្រោះបន្ទាន់ភ្លាមៗ ខណៈដែលជនរងគ្រោះរូបនេះជិះម៉ូតូ១គ្រឿងជែងរថយន្តនៅខាងមុខ ហើយក៏ត្រូវបានរថយន្ត១គ្រឿងទៀតបុកពេញទំហឹង និងកិន បណ្ដាលឲ្យរងរបួសតែម្ដង។ ឧប្បត្តិហេតុគ្រោះថ្នាក់ចរាចរនោះបានកើតឡើងកាលពីវេលាម៉ោង៤ល្ងាច…
រាជធានីភ្នំពេញ ៖ យុវជនម្នាក់បានរងរបួសបាក់ជើង ហើយត្រូវបានគេបញ្ជូនទៅកាន់មន្ទីរពេទ្យដើម្បី សង្គ្រោះបន្ទាន់ភ្លាមៗ ខណៈដែលជនរងគ្រោះរូបនេះជិះម៉ូតូ១គ្រឿងជែងរថយន្តនៅខាងមុខ ហើយក៏ត្រូវបានរថយន្ត១គ្រឿងទៀតបុកពេញទំហឹង និងកិន បណ្ដាលឲ្យរងរបួសតែម្ដង។
ឧប្បត្តិហេតុគ្រោះថ្នាក់ចរាចរនោះបានកើតឡើងកាលពីវេលាម៉ោង៤ល្ងាច ថ្ងៃទី១២ ខែកក្កដា ឆ្នាំ២០១៨ នៅតាមផ្លូវបេតុងផ្សារទួលពង្រ ស្ថិតនៅក្នុងភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានបានឲ្យដឹងថា យុវជនរងគ្រោះមិនត្រូវបានស្គាល់ឈ្មោះឡើយ នៅមុនពេលកើតហេតុបានជិះម៉ូតូម៉ាកហុងដាធូដេ១គ្រឿង ពណ៌ស អត់ស្លាកលេខ ធ្វើដំណើរក្នុងទិសដៅ ពីត្បូងទៅជើងតែម្នាក់ឯង។
បន្ទាប់មកបានជែងរថយន្ត១គ្រឿងដែលកំពុងបើកស្របគ្នានៅខាងមុខ ហើយក៏ត្រូវបានរថយន្តម៉ាកគា ពណ៌ស ពាក់ស្លាកលេខ ភ្នំពេញ 2AH-8841 ដែលកំពុងបើកបរក្នុង ទិសដៅបញ្ច្រាសគ្នាពីជើងទៅត្បូងទៅដល់បុកពេញទំហឹង និងកិនបណ្ដាលឲ្យយុវជននេះរងរបួសបាក់ ជើងតែម្ដង។ ក្រោយពេលកើតហេតុអ្នកបើកបររថយន្តរត់បាត់ ហើយយុវជនរងគ្រោះ ត្រូវបានគេបញ្ជូន ទៅកាន់មន្ទីរពេទ្យ ដើម្បីសង្គ្រោះបន្ទាន់។ ចំណែកនគរបាលចរាចរខណ្ឌពោធិ៍សែនជ័យចុះទៅធ្វើការ វាស់វែង និងនាំយកវត្ថុតាងទៅរក្សាទុករង់ចាំការដោះស្រាយគ្នានៅពេលក្រោយ៕
https://www.youtube.com/watch?v=xyoCotuEvk0
ចែករំលែកព័តមាននេះ