រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី១១ កក្កដា ២០១៨ កម្លាំងសមត្ថកិច្ចការិយាល័យជំនាញស្រាវជ្រាវបទល្មើលគ្រឿងញៀននៃកងរាជអាវុធហត្ថរាជធានីភ្នំពេញ បានបញ្ជូនជនសង្ស័យ១៤នាក់ទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរ និងចោទប្រកាន់ជាផ្លូវការ ។ ជនសង្ស័យទាំង១៤នាក់ ត្រូវបានកម្លាំងអាវុធហត្ថមូលដ្ឋានសហការជាមួយកម្លាំងការិយាល័យស្រាវជ្រាវគ្រឿងញៀន អាវុធហត្ថរាជធានីភ្នំពេញ ឃាត់ខ្លួនជាបន្តបន្ទាប់ និងជាក្រុម ។
សេចក្តីរាយការណ៍បានឱ្យដឹងថា ក្រុមទី១-ឈ្មោះ អ៊ុក វុទ្ធី ភេទប្រុស អាយុ៣២ឆ្នាំ ត្រូវបានកម្លាំងអាវុធហត្ថខណ្ឌ៧មករា ស្រាវជ្រាវបង្ក្រាបបានរួមជាមួយថ្នាំញៀនប្រភេទក្រាម ពណ៌សថ្លាមួយកញ្ចប់ នៅចំណុចសំណង់ស្តាតអូឡាំពិក សង្កាត់វាលវង់ កាលពីវេលាម៉ោង៤និង៣០នាទីថ្ងៃទី៧ កក្កដា ។
ក្រុមទី២-ឈ្មោះ មាស ប៊ុណ្ណារ៉ា ហៅម៉ូម ភេទប្រុស អាយុ២៩ឆ្នាំ ត្រូវបានកម្លាំងអាវុធហត្ថខណ្ឌមានជ័យ ស្រាវជ្រាវបង្ក្រាបបាន រួមជាមួយថ្នាំញៀនប្រភេទក្រាមពណ៌សថ្លាចំនួន៤កញ្ចប់ នៅចំណុចផ្លូវលំ ភូមិមានជ័យ សង្កាត់ស្ទឹងមានជ័យ១ កាលពីវេលាម៉ោង១១និង១០នាទីយប់ថ្ងៃទី៧ កក្កដា ។
ក្រុមទី៣-ឈ្មោះ ជោក សំណាងដេវិត ភេទប្រុស អាយុ១៨ឆ្នាំ។
ក្រុមទី៤-ឈ្មោះ ចាន់ ហ៊ីង ភេទប្រុស អាយុ៥៧ឆ្នាំ ត្រូវបានកម្លាំងអាវុធហត្ថខណ្ឌមានជ័យ ស្រាវជ្រាវបង្ក្រាបបាន រួមជាមួយថ្នាំញៀនប្រភេទក្រាមពណ៌សថ្លាចំនួន១កញ្ចប់ និងប្រភេទម្សៅពណ៌ប្រផេះ ចំនួន៣កញ្ចប់ នៅចំណុចផ្លូវលំ ភូមិមានជ័យ សង្កាត់ស្ទឹងមានជ័យ១ កាលពីវេលាម៉ោង៨ព្រឹកថ្ងៃទី៨ កក្កដា ។
និងក្រុមទី៥-ជនសង្ស័យមានចំនួន១០នាក់ ក្នុងនោះ១-ឈ្មោះ ធី តន ភេទប្រុស អាយុ២១ឆ្នាំ ២-ឈ្មោះ ជា ពេញ ភេទប្រុស អាយុ២៧ឆ្នាំ ៣-ឈ្មោះ ខន សុខឃឿន ភេទប្រុស អាយុ១៩ឆ្នាំ ៤-ឈ្មោះ សន ពិសិទ្ធ ភេទប្រុស អាយុ១៨ឆ្នាំ ៥-ឈ្មោះ ណយ វណ្ណា ហៅ វិន ភេទប្រុស អាយុ៣០ឆ្នាំ ៦-ឈ្មោះ ហ៊ីន សុវណ្ណា ហៅចូច ភេទប្រុស អាយុ២៥ឆ្នាំ ៧-ឈ្មោះ សួស សុធី ហៅសាយ័ន ភេទប្រុស អាយុ៥៩ឆ្នាំ ៨-ឈ្មោះ វ៉ាន់ ផ្លយ ភេទប្រុស អាយុ២៥ឆ្នាំ ៩-ឈ្មោះ ដឹក ឆៃឌី ភេទប្រុស អាយុ១៨ឆ្នាំ និង១០-ឈ្មោះ ផាត់ វាសនា ហៅស្នា ភេទប្រុស អាយុ២៥ឆ្នាំ ។ ជនសង្ស័យទាំង១០នាក់នេះ ត្រូវបានកម្លាំងអាវុធហត្ថខណ្ឌមានជ័យ ស្រាវជ្រាវបង្ក្រាបបានព្រមគ្នា រួមជាមួយថ្នាំញៀនប្រភេទក្រាមពណ៌សថ្លាចំនួន៧កញ្ចប់ នៅចំណុចផ្លូវបេតុង ភូមិមានជ័យ១ សង្កាត់ស្ទឹងមានជ័យ១ វេលាម៉ោង១០និង៤៨នាទីថ្ងៃទី៨ កក្កដា ។
ជនសង្ស័យទាំង១៤នាក់ ស្ថិតនៅដំណាក់កាលតំណាងអយ្យការធ្វើការសាកសួរ និង ក្រោយពីសាកសួរហើយទើបត្រូវបានចោទប្រកាន់ជាផ្លូវការ ៕
ចែករំលែកព័តមាននេះ