ខេត្តកំពង់ស្ពឺ ៖ កាលពីរសៀលថ្ងៃទី៩ កក្កដា កន្លងទៅ កម្លាំងនគរបាលការិយាល័យព្រហ្មទណ្ឌកម្រិតស្រាលខេត្ត សហការជាមួយនគរបាលស្រុកសំរោងទង បានបង្ក្រាបទីតាំងភ្នាល់ល្បែងស៊ីងសង «ការបញ្ជល់មាន់តាមទូរទស្សន៍បរទេស» មួយកន្លែង…
ខេត្តកំពង់ស្ពឺ ៖ កាលពីរសៀលថ្ងៃទី៩ កក្កដា កន្លងទៅ កម្លាំងនគរបាលការិយាល័យព្រហ្មទណ្ឌកម្រិតស្រាលខេត្ត សហការជាមួយនគរបាលស្រុកសំរោងទង បានបង្ក្រាបទីតាំងភ្នាល់ល្បែងស៊ីងសង «ការបញ្ជល់មាន់តាមទូរទស្សន៍បរទេស» មួយកន្លែង ស្ថិតនៅភូមិត្រពាំងអំពិល ឃុំត្រពាំងគង ស្រុកសំរោង
ទង ។
លោកឧត្តមសេនីយ៍ទោ សម សាមួន ស្នងការនគរបាលខេត្ត បានឱ្យដឹងថា ក្នុងការបង្ក្រាបទីតាំងភ្នាល់ល្បែងខាងលើ បានឃាត់ខ្លួនមនុស្ស១៩នាក់ និងម៉ូតូចំនួន២៥គ្រឿង ដែលកំពុងលេងភ្នាល់ក្នុងហាងរបស់ឈ្មោះ ជា ដែលជាម្ចាស់ទីតាំង ។
លោកស្នងការបានឱ្យដឹងទៀតថា អ្នកដែលត្រូវបានឃាត់ខ្លួនទាំង១៩នាក់ មានមួយចំនួនជាមនុស្សចាស់ មានសុខភាពខ្សោយ ហើយករណីនេះ លោកបានអញ្ជើញខាងមន្ទីរសុខាភិបាលខេត្តពិនិត្យសុខភាពជូនពួកគាត់ ក្នុងនីតិវិធីឃាត់ខ្លួន៤៨ម៉ោង ដើម្បីកុំឱ្យប៉ះពាល់ដល់សុខភាព ។
លោកស្នងការបញ្ជាក់ថា បើទោះបីជាពួកគាត់ចាស់ឬឈឺក្តី តែនេះជាករណីបើកលេងល្បែងភ្នាល់ស៊ីសងខុសច្បាប់ មិនអាចលើកលែងទោសបានទេ យ៉ាងហោចណាស់ ក៏ត្រូវធ្វើកិច្ចសន្យាអប់រំដែរ ៕
ចែករំលែកព័តមាននេះ