យកបាវចេញពីឡានស្រាយមើល… ចង់ដាច់ផ្ងារ
- កំពង់ធំ
ខេត្តកំពង់ធំ ៖ រថយន្តសាំយ៉ុងមួយគ្រឿង ដែលដឹកសត្វព្រៃដោយខុសច្បាប់ បានត្រូវលោក អុិត សុធា ព្រះ រាជអាជ្ញាអមសាលាដំបូងខេត្ត បញ្ជាឱ្យកងរាជអាវុធហត្ថស្រុកបារាយណ៍…
ខេត្តកំពង់ធំ ៖ រថយន្តសាំយ៉ុងមួយគ្រឿង ដែលដឹកសត្វព្រៃដោយខុសច្បាប់ បានត្រូវលោក អុិត សុធា ព្រះ រាជអាជ្ញាអមសាលាដំបូងខេត្ត បញ្ជាឱ្យកងរាជអាវុធហត្ថស្រុកបារាយណ៍ សហការជាមួយផ្នែករដ្ឋបាលព្រៃ ឈើកំពង់ថ្មស្ទាក់ចាប់ កាលពីវេលាម៉ោង១២និង៣០នាទីថ្ងៃត្រង់ថ្ងៃទី១០ ខែកក្កដា ។
សមត្ថកិច្ចបានឱ្យដឹងថា រថយន្តដឹកសត្វព្រៃនេះ ត្រូវចាប់បាននៅភូមិកំពង់ថ្ម ឃុំកំពង់ថ្ម ស្រុកសន្ទុក ។ រថ យន្តសាំយ៉ុងនេះ ពណ៌ស ពាក់ផ្លាកលេខ ភ្នំពេញ២N-៤៨២០ ម្ចាស់រថយន្តឈ្មោះ តេង តៃ មានទីលំនៅក្នុងភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម។
នៅក្នុងការចាប់ឃាត់នេះ សមត្ថកិច្ចបានរឹបអូសវត្ថុតាងមាន សំពោច២បាវចំនួន៩ក្បាល ស្មើនឹង២៣គីឡូក្រាម តុកកែ៥គីឡូក្រាម ក្រៅពីនេះ មានឈើធ្នង់២ដុំទៀត ។ សត្វព្រៃដែលរឹបអូស ត្រូវបានប្រគល់ឲ្យផ្នែករដ្ឋបាលព្រៃឈើកំពង់ថ្មយកទៅរក្សាទុក ធ្វើពិធីលែងចូលព្រៃឱ្យរស់នៅបែបធម្មជាតិវិញ ។
លោក មុំ ផល នាយផ្នែករដ្ឋបាលព្រៃឈើកំពង់ថ្ម ថ្លែងថា បើតាមច្បាប់ម្ចាស់រថយន្តត្រូវទទួលការផាកពិន័យ តែលោករង់ចាំបទបញ្ជាពីលោកនាយខណ្ឌ និងលោកព្រះរាជអាជ្ញាសិនបើបញ្ជាឱ្យធ្វើយ៉ាងណានោះលោកនឹងអនុវត្តតាម ៕
ចែករំលែកព័តមាននេះ