ពីយប់ឃើញមិនអី លុះព្រឹកឡើងប្អូនស្រីទៅដល់មាត់ទ្វារ…ពុទ្ធោ!
- កំពង់ធំ
ខេត្តកំពង់ធំ ៖ យុវជនម្នាក់បានចងកសម្លាប់ខ្លួនបង្កឲ្យមានការភ្ញាក់ផ្អើលកាលពីព្រឹកថ្ងៃ១២ ខែកក្កដា ឆ្នាំ២០១៨ នៅភូមិត្រើយអូរ ឃុំព្នៅ ស្រុកសន្ទុក ខេត្តកំពង់ធំ ។…
ខេត្តកំពង់ធំ ៖ យុវជនម្នាក់បានចងកសម្លាប់ខ្លួនបង្កឲ្យមានការភ្ញាក់ផ្អើលកាលពីព្រឹកថ្ងៃ១២ ខែកក្កដា ឆ្នាំ២០១៨ នៅភូមិត្រើយអូរ ឃុំព្នៅ ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា ជនរងគ្រោះដែលស្លាប់ឈ្មោះ ឃឹម ហេង ភេទប្រុស អាយុ១៩ឆ្នាំ រស់នៅភូមិ-ឃុំកើតហេតុខាងលើ ។
បើយោងតាមការបំភ្លឺរបស់ឈ្មោះ ឃឹម ខន ត្រូវជាឪពុកជនរងគ្រោះ និងឈ្មោះឃឹម ស្រីពៅ ត្រូវជាប្អូនស្រីជនរងគ្រោះបាននិយាយថា កាលពីវេលាម៉ោង៧និង១០នាទីយប់ថ្ងៃទី១១ ខែកក្កដា ឆ្នាំ២០១៨ កូនប្រុសរបស់គាត់ឈ្មោះឃឹម ហេង បានអង្គុយផឹកស្រានៅជាមួយមិត្តភក្តិរបស់ខ្លួន រហូតដល់ម៉ោងប្រហែល៩យប់ ហើយកូនប្រុសរបស់គាត់បានសុំមិត្តភក្តិទៅផ្ទះមុន ដោយពុំមានការឈ្លោះប្រកែកគ្នានោះឡើយ លុះដល់ព្រឹកថ្ងៃទី១២ ខែកក្កដា កូនស្រីគាត់ដែលត្រូវជាប្អូនស្រីរបស់ជនរងគ្រោះបានឡើងទៅលើផ្ទះដល់មាត់ទ្វារ ក៏បានឃើញបងប្រុសរបស់ខ្លួនឈរ ហើយមានក្រមានៅជាប់នឹង.កព្យូរទៅនឹងជញ្ជាំង ពេលនោះនាងបានស្រែកប្រាប់គាត់ជាឪពុកថា «ពុកៗ អាហេង វាចងកស្លាប់បាត់ហើយ» ពេលនោះគាត់ក៏បានឡើងមកលើផ្ទះ ឃើញកូនប្រុសចងកពិតប្រាកដមែន ។
ក្រោយពីបានទទួលព័ត៌មានខាងលើភ្លាម កំលាំងជំនាញបានសហការជាមួយលោកមេប៉ុស្តិ៍ឃុំព្នៅ លោកមេភូមិ សន្តិសុខ ប្រជាការពារភូមិ ដើម្បីពិនិត្យសព និងកន្លែងកើតហេតុ ហើយនៅលើដងខ្លួនរបស់សពពុំឃើញមានស្លាកស្នាមអ្វីគួរឱ្យកត់សំគាល់ឡើយ ក្រោយពីពិនិត្យរួច ក៏បានប្រគល់សពឱ្យទៅគ្រួសារដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ