ខេត្តត្បូងឃ្មុំ ៖ រថយន្តចំនួន២គ្រឿងដឹកគ្រឿងអេឡិចត្រូនិចម៉ាស៊ីនត្រជាក់ជជុះឡើងពេញហៀរ បានបើកចូលច្រកទន្លេចាមត្រង់ចំណុចភូមិសាទុំ ឃុំជាំក្រវៀន ស្រុកមេមត់ ត្រូវបានកម្លាំងសមត្ថកិច្ចហៅឲ្យត្រឡប់មកក្រោយវិញ ។ តែក្រុមអ្នកបើកបររថយន្តទាំងនោះបានបើករត់គេចខ្លួនតែត្រូវបានលោកព្រះរាជអាជ្ញាអមសាលាដំបូងខេត្តបញ្ជារឲ្យចាប់ខ្លួនដោយធ្វើឡើងនៅវេលាម៉ោង៦ព្រឹកថ្ងៃទី១១ ខែកក្កដា…
ខេត្តត្បូងឃ្មុំ ៖ រថយន្តចំនួន២គ្រឿងដឹកគ្រឿងអេឡិចត្រូនិចម៉ាស៊ីនត្រជាក់ជជុះឡើងពេញហៀរ
បានបើកចូលច្រកទន្លេចាមត្រង់ចំណុចភូមិសាទុំ ឃុំជាំក្រវៀន ស្រុកមេមត់ ត្រូវបានកម្លាំងសមត្ថកិច្ចហៅឲ្យត្រឡប់មកក្រោយវិញ ។ តែក្រុមអ្នកបើកបររថយន្តទាំងនោះបានបើករត់គេចខ្លួនតែត្រូវបានលោកព្រះរាជអាជ្ញាអមសាលាដំបូងខេត្តបញ្ជារឲ្យចាប់ខ្លួនដោយធ្វើឡើងនៅវេលាម៉ោង៦ព្រឹកថ្ងៃទី១១ ខែកក្កដា ២០១៨ នៅភូមិសង្គមមានជ័យចាស់ ឃុំមេមត់ ស្រុកមេមត់ ហើយបានយករថយន្តនោះមករក្សាទុកបណ្តោះអាសន្ននៅអធិការដ្ឋាននគរបាលស្រុកមេមត់ ។
សមត្ថកិច្ចមួយរូបបានប្រាប់ឲ្យដឹងថា កាលពីយប់ថ្ងៃទី១០ ខែកក្កដា ឆ្នាំ២០១៨ មានក្រុមអ្នកសារព័ត៌មានជាច្រើននាក់រួមនឹងមន្ត្រីបរិស្ថានបានឃើញរថយន្តធុនយក្សទាំង២គ្រឿងនេះនៅត្រង់ច្រកចូលទន្លេចាមមានចំងាយប្រមាណ២០០០ម៉ែត្រពីផ្លូវជាតិលេខ៧ហើយបានរាយការណ៏មកសមត្ថកិច្ចជាបន្ទាន់នឹងបានចុះទៅទប់ស្កាត់រថយន្តនោះមិនឲ្យចេញទៅប្រទេសវៀតណាមនោះទេ ។
សមត្ថកិច្ចបានប្រាប់បន្តថា ស្របពេលដែលព្រឹកថ្ងៃទី១១ ខែកក្កដា ឆ្នាំ២០១៨ រថយន្តទាំង២គ្រឿងបានបើកត្រឡប់មកក្រោយស្រាប់តែមានរថយន្ត១គ្រឿងពាក់ស្លាកលេខ ភ្នំពេញ 3A-5321 បានបើករត់គេចដោយថែមទាំងស៊ីផ្លេដាក់មិនឲ្យរថយន្តនគរបាលចរាចរណ៏ស្រុកមេមត់ចាប់នោះទេ ។ ទាល់តែសមត្ថកិច្ចប្រើវិធានការក្តៅទើបរថយន្តនោះបានឈប់ ។
ផ្អែកតាមបញ្ជាររបស់លោក ហៀង សុភក្ត្រ ព្រះរាជអាជ្ញាអមសាលាដំបូងខេត្តឲ្យចាប់អ្នកបើកបររថយន្ត និងព្រូចំនួន៣នាក់ក្នុងនោះមាន ទី១-ឈ្មោះ អន អាង ភេទប្រុស អាយុ២៥ឆ្នាំ ភូមិឡ ឃុំក្រែក ស្រុកពញាក្រែក, ទី២-ឈ្មោះ ឌឹម ពិសី ភេទប្រុស អាយុ២៤ឆ្នាំ ភូមិតាអុង ស្រុកចំការលើ ខេត្តកំពង់ចាម និងទី៣-ឈ្មោះ នី ណាចារ ភេទប្រុស អាយុ២៣ឆ្នាំ ភូមិចង្វារ ឃុំគងជ័យ ស្រុកអូររាំងឪ ខេត្តត្បូងឃ្មុំ ដោយបានដកហូតរថយន្តចំនួន២គ្រឿង មាន១-រថយន្តពណ៌ទឹកដោះគោ
ពាក់ស្លាកលេខ ភ្នំពេញ 3A-5321 បើកបរដោយឈ្មោះ អាង និងរថយន្ត១គ្រឿងទៀតពាក់ស្លាកលេខ ភ្នំពេញ 3A-1644 បើកបរដោយឈ្មោះ ពិសី ។
រថយន្តទាំង២គ្រឿងត្រូវបានដឹកយករក្សាទុកនៅស្នាក់ការគយចល័តរបស់លោក ព្រាប គីរ៉ាត នៅស្រុកពញាក្រែក ហើយនៅថ្ងៃទី១២ ខែកក្កដា ឆ្នាំ២០១៨ នេះគេនឹងបង្កើតគណៈកម្មការដើម្បីត្រួតពិនិត្យហើយ ៕
ចែករំលែកព័តមាននេះ