រាជធានីភ្នំពេញ ៖ ក្រុមវេជ្ជបណ្ឌិតផ្នែករោគស្ត្រីជំរុញឲ្យស្ត្រីទាំងអស់គួរយកចិត្តទុកដាក់ក្នុងការធ្វើអនាម័យ និងពិគ្រោះព្យាបាលជាមួយគ្រូពេទ្យជំនាញ ដើម្បីទប់ស្កាត់បញ្ហាស្ងួតទ្វារមាស និងអតុល្យភាពអរម៉ូននៅក្នុងវ័យបន្តពូជ ជាពិសេសស្ត្រីវ័យចំណាស់ក្រោយពេលអស់រដូវ ។ លោកសាស្ត្រាចារ្យវេជ្ជបណ្ឌិត ប៉ិច…
រាជធានីភ្នំពេញ ៖ ក្រុមវេជ្ជបណ្ឌិតផ្នែករោគស្ត្រីជំរុញឲ្យស្ត្រីទាំងអស់គួរយកចិត្តទុកដាក់ក្នុងការធ្វើអនាម័យ និងពិគ្រោះព្យាបាលជាមួយគ្រូពេទ្យជំនាញ ដើម្បីទប់ស្កាត់បញ្ហាស្ងួតទ្វារមាស និងអតុល្យភាពអរម៉ូននៅក្នុងវ័យបន្តពូជ ជាពិសេសស្ត្រីវ័យចំណាស់ក្រោយពេលអស់រដូវ ។
លោកសាស្ត្រាចារ្យវេជ្ជបណ្ឌិត ប៉ិច សុធី នាយករងមជ្ឈមណ្ឌលជាតិគាំពារមាតា និងទារក និងជាប្រធានចាត់ការទូទៅនៃមន្ទីរពេទ្យសម្ភពសោភាបានពន្យល់ថា រោគសញ្ញានៃបញ្ហាស្ងួតទ្វារមាសកើតឡើងដោយសារកត្តាប្រឈមមួយចំនួនដូចជា ៖
១- ស្ត្រីក្នុងវ័យអស់រដូវ (ភាគច្រើន)
២- ស្ត្រីដែលកំពុងធ្វើការព្យាបាលជំងឺមហារីក
៣- ការប្រើប្រាស់ថ្នាំផ្សេងៗច្រើនដែលពុំបានគិតពីផលវិបាក
៤- ការធ្វើអនាម័យមិនបានត្រឹមត្រូវល្អ
៥- បញ្ហាផ្លូវចិត្ត
៦- បញ្ហាទំនាក់ទំនងក្នុងគ្រួសារ និងសង្គម ជាដើម។
លោកសាស្ត្រាចារ្យបញ្ជាក់ថា អត្រាប្រេវ៉ាឡង់នៃបញ្ហាស្ងួតទ្វារមាស កើតឡើង ៦០% ចំពោះស្ត្រីក្នុងវ័យអស់រដូវ និង ២០% កើតឡើងចំពោះស្ត្រីក្នុងវ័យបន្តពូជដែលមានបញ្ហាអតុល្យភាពអរម៉ូន ជាហេតុបណ្តាលឲ្យកើតមានបញ្ហារលាកទ្វារមាស។ លោកសាស្ត្រាចារ្យវេជ្ជបណ្ឌិតបានបន្ថែមថា ដោយសារតែកង្វះអរម៉ូន ទើបធ្វើឲ្យវាបង្កបានជាផលវិបាកមួយចំនួនទៀតដូចជា ៖
១- ស្ពោតឆ្អឹង
២- ប៉ះពាល់ជីវភាពរស់នៅប្រចាំថ្ងៃ
៣- វិបត្តិផ្លូវចិត្ត
៤- បញ្ហាទំនាក់ទំនងផ្លូវភេទត្រូវបានកាត់បន្ថយ
ការព្យាបាលសំខាន់គ្រូពេទ្យត្រូវសួររករោគសញ្ញាពិតប្រាកដរបស់អ្នកជំងឺឲ្យបានច្បាស់លាស់ ពិសេសស្ថានភាពការងាររបស់អ្នកជំងឺ និងវ័យរបស់គាត់មុនធ្វើរោគវិនិច្ឆ័យ។
ក្នុងបញ្ហានេះដែរ លោកវេជ្ជបណ្ឌិត កុយ វីរិទ្ធ ប្រធានផ្នែកបណ្តុះបណ្តាលបន្តនៃសហគ្រាសផលិតឱសថប៉េប៉េអឹម បានណែនាំថា ឱសថ MUCOGYNE របស់មន្ទីរពិសោធន៍ IPRAD នៃប្រទេសបារាំងដែលមានប្រសិទ្ធភាព និងសមត្ថភាពសំខាន់បីយ៉ាង គឺទី១ បំបាត់បញ្ហាស្ងួតទ្វារមាសស្ត្រីទូទៅ ដោយគ្រាន់តែប្រើប្រាស់វា ២ ទៅ ៣ ដងក្នុងមួយសប្តាហ៍រយៈពេល៤សប្តាហ៍។ ទី២ ចំពោះស្ត្រីទើបឆ្លងទន្លេរួចអាចប្រើប្រាស់១ថ្ងៃ ២ដងរហូតដល់មុខរបួសនៅទ្វារមាសបានជាសះស្បើយ។ ហើយទី៣ សម្រាប់ស្ត្រីវ័យចំណាស់ដែលអស់រដូវ ហើយស្ងួតទ្វារមាស បណ្តាលឲ្យឈឺចាប់នៅពេលរួមដំណេក នោះ MUCOGYNE មានលក្ខណៈពិសេសធ្វើឲ្យមានភាពប្រសើរឡើងវិញក្នុងបញ្ហានេះ។
តែទោះជាយ៉ាងណាអ្នកជំងឺទាំងអស់ត្រូវតែធ្វើការពិគ្រោះឲ្យបានត្រឹមត្រូវជាមួយនឹងគ្រូពេទ្យ មុននឹងជាវឱសថទាំងនោះយកទៅប្រើប្រាស់៕
ចែករំលែកព័តមាននេះ